Erlan Nysanbaev AÓSShK-ge Ortalyq Azııada jasandy orman egý ortalyǵyn qurýdy usyndy

<p>ASTANA. KAZINFORM &ndash; Ekologııa jáne tabıǵı resýrstar mınıstri Erlan Nysanbaev Azııadaǵy ózara is-qımyl jáne senim sharalary jónindegi keńeske (AÓSShK) múshe memleketterdi shóleıttenýge qarsy jobalardy qarjylandyrýǵa shaqyrdy.</p>

Mundaı bastamany ol elordada ótken AÓSShK mınıstrleriniń ekologııa máselelerine arnalǵan konferentsııasynda kóterdi.

«Shóleıttenýge jáne jerdiń tozýyna qarsy kúres bizdiń jumysymyzdyń negizgi baǵyttarynyń biri bola alady. Orman ekojúıesin qalpyna keltirip, jerdi degradatsııadan qorǵaý bıoalýandylyqty saqtaýǵa ǵana emes, mıllıondaǵan adamdardyń ómir súrý sapasyn jaqsartýǵa kómektesedi. Osyǵan baılanysty biz Ortalyq Azııadaǵy shóldi jáne shóleıt aımaqtaryna jasandy orman egý ortalyǵyn qurýdy usynyp otyrmyz», - dedi mınıstr beıne konferentsııada.

Onyń aıtýynsha, atalmysh ortalyq shóleıttenýdiń aldyn alyp, onyń zardaptaryn joıýǵa baǵyttalatyn resýrstardy, bilim ben tájirıbelerdi ortaq arnaǵa biriktiredi.

Foto: Soltan Jeksenbekov/ Kazinform

«Qazaqstan óz tarapynan tájirıbe almasyp, ǵylymı zertteýler júrgizýge jáne salaǵa qajetti maman daıarlaıtyn alań usynýǵa daıyn. Biz AÓSShK elderi men halyqaralyq qarjy uıymdaryn osy bastamaǵa qosylýǵa jáne osy máselede qarjylyq qoldaý kórsetýge shaqyramyz», - dedi Erlan Nysanbaev.