Erlan Qoshanov elordaǵa Astana ataýyn qaıtarý usynysyna qatysty pikir bildirdi

NUR-SULTAN. QazAqparat – Parlament Májilisiniń tóraǵasy Erlan Qoshanov elordaǵa Astana ataýyn qaıtarý usynysyna qatysty pikir bildirdi, dep habarlaıdy QazAqparat tilshisi.

«Elordanyń ataýyn ózgertý máselesine toqtalsaq, bul bastama bizdiń depýtattardyń, depýtattyq toptyń usynysy bolyp otyr. Birneshe jyl buryn elordanyń ataýyn ózgertkennen bastap qoǵamnyń ishinde pikirtalas áli de tolastamady. Sondyqtan halyq arasynda túrli pikir bar. Sonyń kóbisi burynǵy ataýyn qaıtarýǵa qatysty», - dedi E.Qoshanov Májilistiń jalpy otyrysynan keıin tilshiler saýalyna jaýap bere otyryp.

Osy oraıda ol depýtattar halyq únine qulaq asý qajet degen paıymmen elordanyń burynǵy ataýyn qaıtarý máselesin kótergenin aıtty.

«Endi, alda qandaı sheshim bolatynyn kúteıik», - dedi Májilis tóraǵasy.

Budan buryn habarlanǵandaı, Úkimet músheleri elordaǵa Astana ataýyn qaıtarý usynysy týraly pikir bildirdi .