Erlan Qoshanov AMANAT bolyp ózgergen partııany tirkeýge qatysty túsinik berdi

NUR-SULTAN. QazAqparat – Májilis tóraǵasy Erlan Qoshanov AMANAT ataýymen ózgergen bılik partııasyn tirkeýge qatysty túsinik berdi, dep habarlaıdy QazAqparat tilshisi.

Májilistiń jalpy otyrysynan keıin tilshiler palata tóraǵasynan bılik partııasynyń ózgertilgen ataýyn tirkeý qatysty suraq qoıdy.

«Amanat» degen ataýmen jeke kompanııalar men uıymdar bar. Sondyqtan ersmı tirkelý qıyn bolmaı ma?» , - delingen tilshiler saýalynda.

«Zańnama turǵysynan tirkeý boıynsha eshbir qıyndyq bolmaıdy. Biz zerdelegen kezde «Amanat» degen ataýmen 30-dan astam túrli uıym bar eken, biraq osy ataýmen partııa tirkelmegen. Sondyqtan «AMANAT» ataýymen partııany tirkeýde eshqandaı qıyndyq bolmaıdy dep oılaımyn», - dep túsindirdi E. Qoshanov.

Sonymen qatar tilshiler tarapynan «Nur Otan» ataýynan nelikten bas tartyldy» degen suraq qoıyldy.

«Negizi, ómir men qoǵam ózgerip jatyr, ony ózderińiz kórip júrsizder. Ótken jyldyń jeltoqsan aıyndaǵy jaǵdaı men bıylǵy qańtardaǵy jaǵdaıdy qarasaq, biz basqa memlekette uıyqtap, basqa memlekette oıanǵan sııaqtymyz. Sondyqtan búginde qoǵamnyń suranysy da ózgerip otyr. Memleketke qatysty terakti, shabýyl bolǵannan keıin qoǵam dúr silkinip otyr. Bul baǵytaǵy qadamdarǵa partııa beıimdelýi kerek qoı. Qoǵam óz aldyna, partııa óz aldyna basqa álemde ómir súrmeıdi ǵoı? Sondyqtan partııa músheleri osynyń bárin saraptady», - dedi E. Qoshanov.

Osy oraıda ol Májilistegi fraktsııa depýtattary óńirlerge saparmen baryp kelgenin, sol jerlerde turǵyndardyń kóńil-kúıi, suranysy nazarǵa alynǵanyn atap ótti.

Partııanyń, qoǵamnyń jańarýyna suranys bar.

«Osynyń bárin pysyqtap, partııa músheleri tıisti sheshimdi qabyldap, partııa tóraǵasy ony qoldady», - ded Erlan Qoshanov.

Budan buryn habarlanǵandaı, 1 naýryzda ótken sezd barysynda «Nur Otan» partııasynyń ataýyn «Amanat» dep ózgertý týraly sheshim qabyldandy.