Erlan Qııasov vaktsınanyń qorǵanysh áserine qatysty túsinik berdi
«Aıta ketetin jáıt, vaktsınatsııalaýdan keıingi qorǵanysh áseri, ıaǵnı koronavırýsqa qarsy antıdeneler dozany alǵash qabyldaǵannan keıin 12-14 kúnnen soń bastalady. Tolyq ımmýnıtetti qamtamasyz etý úshin 21 kúndik aralyqpen eki komponentten turatyn vaktsınatsııanyń tolyq kýrsyn alý kerek», - dep túsindirdi E. Qııasov Ortalyq kommýnıkatsııalar qyzmetinde.
Onyń aıtýynsha, vaktsınatsııalaý kýrsy aıaqtalǵannan keıin, 1,5 aıdyń ishinde aǵzanyń ımmýndyq reaktsııasy paıda bolady. Sondyqtan vaktsına qabyldaǵan adamdar profılaktıkalyq sharalardy saqtaýy kerek.
«Sonymen qatar, shilde aıyna deıin Qaraǵandy farmatsevtıkalyq kesheniniń vaktsınany óndirý kólemi 2 mln dozaǵa deıin jetkiziletin bolady», - dedi Erlan Qııasov.
Budan buryn habarlanǵandaı , Erlan Qııasov koronavırýsqa qarsy vaktsınalaý naýqanyna qatysty túsinik berdi.
Koronavırýs ınfektsııasyna qarsy vaktsınatsııalaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsınalaý bastalyp, 2 137 adamǵa ekpe jasaldy, qolaısyz kórinister tirkelgen joq