Erlan Qııasov Úkimet múshelerine qaı vaktsına salynatynyn aıtty

NUR-SULTAN. QazAqparat – QR Densaýlyq saqtaý vıtse-mınıstri, bas memlekettik sanıtarlyq dáriger Erlan Qııasov memlekettik qyzmetshilerge vaktsına saldyrý kezeńin aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda Úkimet músheleri men depýtattarǵa vaktsına saldyrý qashan bastalatyny suraldy.

«Olar memlekettik qyzmetshilermen birdeı vaktsınalaýmen qamtylady. Bul kezeń medıtsına qyzmetkerlerin, pedagogtardy, áskerılerdi tolyqqandy vaktsınalaǵannan keıin júrgiziledi. Sonymen qatar memlekettik qyzmetshilerdi vaktsınalaý eskeriledi», - dedi E. Qııasov.

Olar qoljetimdi vaktsınamen qamtylmaq.

«Ekpe saldyrý qarqynyn eskersek, ol «Spýtnık V» vaktsınasy bolýy múmkin. Tizim boıynsha shamamen naýryzdyń sońy men sáýir aıynyń basynda iske asyrylady», - dedi vıtse-mınıstr.

Budan buryn habarlanǵandaı, baspasóz máslıhatynda QR Densaýlyq saqtaý vıtse-mınıstri, bas memlekettik sanıtarlyq dáriger Erlan Qııasov koronavırýsqa qarsy vaktsınalaý naýqanyna qatysty túsinik berdi.

Koronavırýs ınfektsııasyna qarsy vaktsınatsııalaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan ekinshi komponentpen vaktsınalaý bastalyp, 2 137 adamǵa ekpe jasaldy, qolaısyz kórinister tirkelgen joq.

Sonymen qatar Qazaqstanda 65 jastan asqan adamdardy vaktsınatsııalaýǵa ruqsat etildi.