Erlan Qııasov saılaý kezinde saqtalýy tıis sanıtarlyq talaptardy túsindirdi
«Daýys berýge arnalǵan nysanda áleýmettik araqashyqtyq saqtalýy tıis. Árbir saılaý ýchaskesinde: saılaý ýchaskesine kire beriste termometrmen kelýshilerdiń dene qyzýyn ólsheý; saılaýshylardyń júrý baǵytyn kórsetetin belgiler qoıý; saılaý komıssııasy músheleri 3 saǵat saıyn maska aýystyrýy tıis. Qoldy dezınfektsııalaýǵa arnalǵan sanıtaızerler bolýy kerek. Kire beriste jáne shyǵa beriste paıdalanylǵan jeke qorǵanys quraldaryn jınaýǵa arnalǵan konteıner bolýy qajet. Kelýshilerdiń dene qyzýy kóterilgen (37ºS joǵary) jaǵdaıda, adamdy oqshaýlaýǵa arnalǵan jeke kabınet bolýy tıis», - dedi ol.
Onyń atap ótýinshe, baqylaýshylar men buqaralyq aqparat quraldary ókilderiniń ornalasqan jeri áleýmettik qashyqtyqty eskere otyryp, keminde 1,5-2 metr qashyqtyqta ornalasýy qajet. Saılaý komıssııasynyń múshelerine maska men qolǵap jetkilikti bolýy tıis. Ár 3 saǵat saıyn maska aýystyrylady. Keminde 1,5-2 metr áleýmettik araqashyqtyqty saqtaý, saılaý ýchaskesiniń jumysy bastalar aldynda jáne aıaqtalǵanda daýys berýge arnalǵan kabınalardy tazalaý kerek. Saılaý bıýlletenderin taratqanda tikeleı baılanys ornatýǵa bolmaıdy.
«Epıdemıologııalyq jaǵdaıdy baǵalaý matrıtsasyna sáıkes 2021 jylǵy 5 qańtardaǵy jaǵdaı boıynsha táýekeli joǵary jáne ortasha aımaqtarda (qyzyl jáne sary aımaqta) bolǵan saılaý komıssııasynyń barlyq múshesi, baqylaýshylar, óńirlerdegi senimdi adamdar PTR ádisimen COVID-19-ǵa zerthanalyq tekserýden ótti», - dedi Erlan Qııasov.
Vıtse-mınıstrdiń aıtýynsha, saılaýshylarǵa qajet bolǵan jaǵdaıda jeke qorǵanys quraldary beriledi. Jáshikti saılaýshyǵa deıin nemese odan keıin dezınfektsııalaý qajet. Árbir saılaýshydan keıin tasymaldanatyn jáshik dezınfektsııalanady.
«Ýchaskelik komıssııanyń daýys berý qorytyndylary týraly hattamalaryn qabyldaý kezinde qaýipsizdik sharalaryn qatań saqtaý qajet. Daýys berýge arnalǵan statsıonarlyq jáne tasymaldanatyn jáshikterdi ashar aldynda dezınfektsııalaý mindetteledi», - dedi ol.