Erlan Qııasov karantındik shekteýlerdi jeńildetýge qatysty pikir bildirdi

NUR-SULTAN. QazAqparat – QR Densaýlyq saqtaý vıtse-mınıstri, bas memlekettik sanıtarlyq dáriger Erlan Qııasov karantındik shekteýlerdi jeńildetý turǵysynda nysandardyń ashylýyna qatysty suraqqa jaýap berdi, dep habarlaıdy QazAqparat tilshisi.

«Búgin Vedomstvoaralyq komıssııada karantındik is-sharalardy jeńildetý boıynsha birqatar qadamdar aıtyldy. Jaqyn arada ózgerister engizý týraly qaýly qabyldanady. KVI-diń taralýynyń tómendeýine qatysty ońtaıly jaǵdaı aldaǵy ýaqytta qyzmettiń túrli salalaryndaǵy shekteýlerdi birtindep toqtatýǵa yqpal etedi dep úmittenemiz. Sonymen qatar halyqty vaktsınalaýdy sátti ótkizýge erekshe senim artyp otyrmyz», - dedi E. Qııasov Ortalyq kommýnıkatsııalar qyzmetinde.

Sonymen qatar vıtse-mınıstr elimizdegi joǵary oqý oryndaryn ashýǵa qatysty pikir bildirdi.

«Biz barlyq múmkindikti qarastyryp otyrmyz. Osy oraıda Bilim mınıstrligimen saladaǵy máselelerdi pysyqtadyq. Asyǵystyq jasaýdyq reti joq. Bul baǵytta tıisti jumystar júrip jatyr. Eldegi KVI boıynsha jaǵdaıdyń ońtaıly bolýy tek qysqa merzimmen shektelmeýi kerek», - dedi Erlan Qııasov.