Erlan Qarın jemqorlyqpen kúres boıynsha birqatar tapsyrma berdi

<p>ASTANA. KAZINFORM &mdash; Memlekettik keńesshi Erlan Qarınniń tóraǵalyǵymen Sybaılas jemqorlyqqa qarsy is-qımyl máseleleri jónindegi komıssııanyń otyrysy ótti, dep habarlaıdy Aqorda.</p>

Jıynda Ekonomıkalyq yntymaqtastyq jáne damý uıymynyń (EYDU) sybaılas jemqorlyqqa qarsy kúres jónindegi Ystanbul josparyna sáıkes monıtorıngtiń besinshi raýndyn júzege asyrý máseleleri qarastyryldy.

Іs-shara barysynda Sybaılas jemqorlyqqa qarsy is-qımyl agenttiginiń ókilderi salaǵa qatysty ulttyq zańnamany jáne halyqaralyq standarttardy engizý arqyly quqyq qoldaný tájirıbesin jetildirý boıynsha qabyldanǵan sharalar týraly baıandady.

Erlan Qarın óz sózinde Memleket basshysynyń Ekonomıkalyq yntymaqtastyq jáne damý uıymymen yqpaldastyqqa basa nazar aýdaratynyn atap ótti. Bul uıymnyń joǵary standarttary ekonomıkanyń túrli salalarymen birge sybaılas jemqorlyqqa qarsy is-qımyl máselelerin de qamtıdy.

Jıyn sońynda Memlekettik keńesshi sheteldik sarapshylardyń usynystaryn júzege asyrýǵa jáne atalǵan bedeldi halyqaralyq uıymmen baılanysty odan ári nyǵaıtýǵa qatysty birqatar tapsyrma berdi.

Buǵan deıin, Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen «Qazaqstan tarıhy: ejelgi dáýirden búginge deıin» atty akademııalyq kóptomdyq basylymnyń ǵylymı-redaktsııalyq alqasynyń kóshpeli otyrysy ótkeni habarlandy.