Erlan Qarın ıÝNESKO jáne ISESKO jónindegi Ulttyq komıssııa otyrysyn ótkizdi

<p>Memlekettik keńesshi Erlan Qarın Qazaqstan Respýblıkasynyń ıÝNESKO jáne ISESKO isteri jónindegi ulttyq komıssııa komıtetteriniń tóraǵalarymen kezdesti.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://akorda.kz/kz/memlekettik-kenesshi-yunesko-zhane-isesko-isteri-zhonindegi-ulttyk-komissiya-komitetterinin-toragalarymen-kezdesu-otkizdi-179242" target="_blank" rel="noopener">Aqordaǵa</a>&nbsp;silteme jasap habarlaıdy.</p>

Kezdesýde Er-Rııadta ótken Búkilálemdik mura komıtetiniń 45-sessııasynyń qorytyndylary talqylandy. Atalǵan sessııada Altyn Emel ulttyq parki men Barsakelmes qoryǵynyń aýmaqtary ıÝNESKO-nyń Álemdik mura tizimine engizilgeni belgili. Muny «Turannyń sýyq qysqy shólderi» transulttyq nomınatsııasynyń quramdas bóligi retinde Qazaqstan, Túrikmenstan jáne Ózbekstan birlesip usynǵan bolatyn.

Erlan Qarın Ulttyq komıssııanyń komıtetteri men klýbtary atqarǵan jumystyń naqty nátıjelerin atap ótti. Sondaı-aq bıyl maýsym aıynda ıÝNESKO-nyń bas dırektory Odre Azýleniń Qazaqstanǵa resmı sapary ekijaqty yntymaqtastyqty jańa deńgeıge kótergenin aıtty. Budan bólek, el aýmaǵyndaǵy ıÝNESKO nysandarynyń saqtalýyn qamtamasyz etýdiń mańyzdy ekenine nazar aýdardy.