Erlan Qarın Ulttyq keńestiń tıimdi qyzmeti týraly aıtty
«Jańa usynystardy qalyptastyrý, jan-jaqty talqylaý maqsatynda memlekettik organdar men Ulttyq keńes músheleri arasynda ózara áreket etý kúsheıtildi. Osy oraıda jańa onlaın formatta Ulttyq keńes múshelerimen Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınmen, Bilim jáne ǵylym mınıstri Ashat Aımaǵambetovpen, Ekologııa, geologııa jáne tabıǵı resýrstar mınıstri Maǵzum Myrzaǵalıevpen, Eńbek jáne halyqty áleýmettik qorǵaý mınıstri Birjan Nurymbetovpen, Aýyl sharýashylyǵy mınıstri Saparhan Omarovpen, Densaýlyq saqtaý mınıstri Alekseı Tsoımen kezdesýler ótkizildi. Jalpy alǵanda mundaı segiz talqylaý men kezdesý uıymdastyryldy», - dedi E. Qarın.
Onyń sózine qaraǵanda, aldyn ala bekitilgen kestege sáıkes, jyldyń sońyna deıin basqa da mınıstrlikter basshylyǵymen kezdesýler uıymdastyrý josparanǵan.
«Buǵan qosa, Memleket basshysy men Ulttyq keńes músheleriniń jeke kezdesýlerin ótkizý tájirıbesi jalǵastyryldy. Bıyl osyndaı 8 kezdesý ótti. Jalpy, ótken jyldan beri mundaı 24 kezdesý uıymdastyryldy. Jeke kezdesýlerde Ulttyq keńes músheleri tarapynan aıtylǵan usynystar erekshe nazarǵa alynǵan. Atalǵan jumystardyń barlyǵy Ulttyq keńestiń tıimdi qyzmet etýine yqpal etedi jáne ary qaraı da bul baǵyttarda jumys júrgizý jalǵastyrylady», - dedi Erlan Qarın.