Erlan Qarın Ulttyq quryltaı týraly aıtty
– Jalpyulttyq quryltaı – qoǵamymyzdyń erekshe bir salasy. Ol san alýan toptardy bildiredi: zııaly qaýym, bıznes, quqyq qorǵaýshylar, azamattyq belsendiler, sarapshylar jáne t.b. Sondyqtan Memleket basshysy úshin Ulttyq quryltaı el damýynyń ózekti máseleleri boıynsha óz ustanymyn aıqyndaıtyn taǵy bir úlken alańǵa aınaldy», - dep jazdy Erlan Qarın.
Onyń sózinshe, Prezıdenttiń sózin Ulttyq quryltaıdyń jumys sektsııalary men plenarlyq otyrysynda aıtylǵan pikirtalastarǵa, ıdeıalarǵa, bastamalarǵa jedel, júıeli jaýap berý jáne keri baılanys ornatýdyń tıimdi quraly dep sanaýǵa bolady. Sondyqtan da ol osyndaı keń aýqymdy máseleler boıynsha ustanymyn aıqyndap berdi. Sáıkesinshe, Memleket basshysynyń Atyraýdaǵy sózine jurtshylyq tarapynan da kóptegen jaýap aıtyldy - árkim óz múddeleri men ótinishterin jetkizdi. Sonymen qatar Erlan Qarın Atyraýda jasalǵan baıandamanyń ıdeologııalyq sala úshin mańyzyna toqtalyp, ekonomıkalyq quramdas bóligine qatysty birneshe aspektini atap ótti.
– Birinshiden, Atyraýda tórt aýqymdy ınfraqurylymdyq keshenniń iske qosylǵany jarııalandy. Turǵyn úı qurylysynyń jańa baǵdarlamasyn, onyń ishinde aýyldar men aýdan ortalyqtarynyń turǵyndaryn, halyqtyń áleýmettik osal sanattary úshin mólsherlemesi 7 paıyzdan aspaıtyn turǵyn úı baǵdarlamasyn iske qosý týraly tapsyrma berilgen bolatyn. Sonymen qatar Úkimetke Memleket basshysynyń bastamasymen satyp alý quqyǵymen beriletin jalǵa beriletin turǵyn úı kólemin aıtarlyqtaı arttyrý qajet. Sondaı-aq Táýelsiz Qazaqstan tarıhyndaǵy rekordtyq kórsetkishke aınalatyn jóndeý-qurylys jumystarymen keminde 12 myń shaqyrym joldy qamtý mindeti qoıyldy. Eldegi azamattardyń ómir súrý sapasy men qorshaǵan ortanyń jaǵdaıyn jaqsartý úshin keminde 1 700 shaqyrym gaz jelilerin jańǵyrtýdyń da mańyzy zor. Bul bastamalardyń bıyl otandyq kásiporyndardy barynsha tartý arqyly júzege asyralady dep josparlanyp otyr.
Ekinshiden, Prezıdent ashyq, naryqtyq ekonomıkany qurý, jedeldetilgen tsıfrlandyrý, jasandy ıntellektini damytý, tranzıttik-kóliktik áleýetti nyǵaıtý, kásipkerlikti qoldaý, ınnovatsııalardy yntalandyrý jónindegi strategııalyq mindetterge taǵy bir márte qysqasha toqtalyp ótti. Qazaqstan jahandyq básekege qabilettiligi boıynsha básekelestik artyqshylyqtaryn tıimdi paıdalanyp, jańa ósý núktelerin únemi izdestirýde. Memleket basshysynyń bul aıtqandary elimizdiń ilgeri damýy úshin asa mańyzdy, - dedi ol.
Memlekettik keńesshi atap ótken taǵy bir mańyzdy másele – óńirlerdi keshendi damytý. Prezıdent muny da jiti baqylaýda ustap otyr.
– Úshinshiden, Memleket basshysy Atyraý oblysyna qatysty máselelerge arnaıy toqtalǵan bolatyn. Ol óńirdegi birqatar ınfraqurylymdyq, áleýmettik, ekologııalyq máseleni sheshýge naqty tapsyrmalar berip, búkil aımaqtyq kún tártibin tolyq baqylaýda ustaıtynyn basa aıtty. Jalpy, Atyraýda sóılegen sózinde ekonomıka, azamattardyń ómir súrý sapasyn jaqsartý, óńirlerdi keshendi damytý máseleleri Memleket basshysynyń turaqty nazarynda ekenin ańǵartty», - dep jazdy Memlekettik keńesshi.
Eske sala keteıik, keshe Atyraýda Ulttyq quryltaı ótkenin jazǵan bolatynbyz.