Erlan Qarın Sybaılas jemqorlyqpen kúres komıssııasynyń otyrysyn ótkizdi

ASTANA. QazAqparat - Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Prezıdent janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysy ótti, dep habarlaıdy Aqorda.

Jıynda Qazaqstan Respýblıkasy Prezıdentiniń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaý aldy baǵdarlamasyndaǵy sybaılas jemqorlyqqa qatysty máselelerdiń oryndalýy, sondaı-aq, keden, qurylys salalaryndaǵy sybaılas jemqorlyqqa qarsy keshendi jospardy júzege asyrý barysy qaraldy.

Atqarylǵan jumystar jaıynda Sybaılas jemqorlyqqa qarsy is-qımyl agenttiginiń, Qarjy, Indýstrııa jáne ınfraqurylymdyq damý mınıstrlikteriniń esepteri tyńdaldy.

Erlan Qarın sybaılas jemqorlyqpen kúres Memleket basshysy basymdyq berip otyrǵan negizgi baǵyttyń biri ekenin atap ótti. Sonymen qatar bul taraptaǵy jumys Qazaqstan qoǵamyn jańǵyrtýǵa baǵyttalǵan reformalardy tıimdi iske asyrýǵa septigin tıgizetinin aıtty.

Foto: akorda.kz