Erlan Qarın: Saıası reformalardyń prezıdenttik toptamasy qarqyndy júzege asyrylý satysynda
«Bul baıandama sońǵy ýaqytta elimizde júzege asyrylyp jatqan ózgerister men reformalarǵa arnalǵan. Atalǵan reformalardyń júzege asyryla bastaǵanyna 1,5-2 jyl bolǵanyna qaramastan onyń qanshalyqty aýqymdy ekenin baıqaýǵa bolady», - dedi ol.
Osy rette Erlan Qarın saıası reformalarǵa aıryqsha mán berip ótti.
«Elimizde júrgizilip jatqan saıası reformalar jaıynda azdaǵan málimet berip ótsem deımin. QR Prezıdenti Qasym-Jomart Toqaev saıası reformalardyń úsh toptamasyn usynǵany belgili. Birinshi toptama 2019 jyldyń jeltoqsanynda, Ulttyq qoǵamdyq senim keńesiniń birinshi otyrysynda usylynǵan edi. Memleket basshysy ekinshi toptamany 2020 jyldyń qyrkúıegindegi Joldaýynda jarııa etti. Al osy jyldyń qańtarynda, jańa Parlament sessııasynyń ashylýyna sóılegen sózinde Prezıdent saıası reformalardyń úshinshi toptamasyn usyndy», - dedi Prezıdent kómekshisi.
Onyń atap ótýinshe, Ulttyq keńes jumysynyń aıasynda saıası reformalardyń birinshi toptamasy tolyq júzege asyryldy.
«Bul - saıası partııalar úshin tirkeý kedergilerin tómendetý, partııalyq saılaý tizimine áıelder men jastar úshin 30 paıyzdyq kvota engizý, jınalystar týraly múldem jańa zań qabyldaý, jala jabý týraly bapty dekrımınalızatsııalaý jáne QR QK 174-babyn izgilendirý, sonymen qatar ólim jazasyn alyp tastaý. Tolyqtaı alǵanda, saıası reformalardyń birinshi toptamasy boıynsha 8 reforma qabyldandy. Qazirgi ýaqftta saıası reformalardyń ekinshi jáne úshinshi toptamasyz belsendi júzege asyrylý satysynda tur», - dedi Erlan Qarın.