Erlan Qarın Prezıdenttiń sózindegi negizgi messedjderdi atady
«Prezıdenttiń búgingi sóılegen sózinde mynadaı negizgi messedjder boldy:
1. Saıası reformalar jalǵasady, saıası júıe odan ári jańǵyrtyla beredi.
2. Qazaqstan – damýdyń jańa úrdisin qalyptastyryp, túbegeıli reforma júrgizip jatqan geosaıası tóńirektegi birden-bir memleket.
3. Memleket basshysy óziniń sózinde alǵash ret Amanat partııasyn ǵana emes, Parlamentke ótken basqa da partııalardy atap ótti. Osylaısha, partııalardan derbes turǵan saıası tóreshi mártebesin taǵy bir ret kórsetti.
4. Memlekettiń basty nazary ózekti ekonomıkalyq máselelerdi sheshý jaǵyna oıysady.
5. Shaǵyn jáne orta bıznesti damytý isi endi memlekettiń ekonomıkalyq saıasatynyń ózegine aınalady.
6. Barlyq áleýmettik top ókilderine qatysty memlekettik qoldaý sharalaryna toqtalǵan Prezıdent óziniń saıası baǵdarynda áleýmettik máselelerge basa mán beretinin aıqyn ańǵartty.
7. Prezıdent uzaq merzimge arnalǵan strategııalyq josparlaýǵa qatysty ustanymdardy jahandyq úderisterdi eskere otyryp, qaıta qaraýdy usyndy.
Eń bastysy, Prezıdent basty maqsatyna jetý, ıaǵnı halyqtyń ál-aýqatyn arttyryp, ulttyń jańa sapasyn qalyptastyrý jolynda ózi buǵan deıin usynǵan negizgi qaǵıdattarǵa arqa súıeıdi. Bul qaǵıdattar – zań ústemdigi, el birligi, áleýmettik jaýapkershilik jáne ishki saıası turaqtylyq», - dep jazdy Erlan Qarın.