Erlan Qarın prezıdenttik zań jobasy boıynsha jumys qalaı júrip jatqanyn aıtty
«Áleýmettik jelide sheteldikterge jer satý máselesi Jer komıssııasy aıasynda qaıtadan qarastyrylýy múmkin, bılik qaıta qarastyrýy yqtımal degen syndy pikirler keıde kezdesip qalady. Bul áńgimelerdiń barlyǵy naǵyz jalǵan málimet ári spekýlıatsııa. Máselege qatysty pikirtalasqa núkte qoıylǵan. 12 naýryzda Prezıdent óziniń zańnamaǵa bastamashylyq quqyǵyn paıdalanyp, Parlamentke sheteldikterge jerdi satýǵa jáne jalǵa berýge tyıym belgileıtin tıisti zań jobasyn jibergen. Ony depýtattar óz jumystaryna birden qabyldap, bekitilgen protsedýra aıasynda qarastyryp ta jatyr», - dep jazdy Erlan Qarın Telegram paraqshasynda.
Onyń atap ótýinshe, atalǵan zań zań jobasy boıynsha Májiliste jumys toby quryldy. Top quramyna qoǵam, memlekettik organdardyń, parlamenttik emes partııalardyń ókilderi men sarapshylar kirdi.
«18 naýryzda, parlament qabyrǵasynda jumys tobynyń birinshi otyrysy ótti. Búgin tús aýa atalǵan toptyń kezekti otyrysy ótýi tıis. Demek, protsess tolyq qarqynmen júrip jatyr. Al jer komıssııasy ózge máseleni, aýyl sharýashylyǵy jerlerin paıdalaný jaıyn qaraıdy», - dedi QR Prezıdentiniń kómekshisi.