Erlan Karın: Prezıdenti reformalardyń jańa toptamasy demokratııalyq túrlenýge tyń serpin beretindigine senimdi

NUR-SULTAN. QazAqparat - QR Prezıdentiniń kómekshi Erlan Karın Memleket basshysy Qasym-Jomart Toqaevtyń Memlekettik nagradalar tapsyrý rásiminde sóılegen sózine qatysty pikir bildirdi, dep habarlaıdy QazAqparat.

«Búgin Aqorda rezıdentsııasynda Memlekettik nagradalar tapsyrý rásiminde sóz sóılegen QR Prezıdenti Qasym-Jomart Toqaev bylaı dedi: «Biz eldi saıası jańǵyrtý protsesin tabandy túrde jalǵastyrýǵa nıettimiz. Qazirgi ýaqytta reformalardyń jańa toptamasy ázirlenip jatyr, ol jaıynda kelesi jyldyń basynda jarııa etemiz. Bul «halyq únine qulaq asatyn memleket» qurýǵa, ádilet jáne teń múmkindikter qaǵıdattaryn bekitýge baǵyttalǵan Qazaqstandaǵy demokratııalyq túrlenýge tyń serpin beredi», - dep jazdy Erlan Karın Telegram kanalynda .