Erlan Qarın: Prezıdent usynǵan jer týraly zań bir ǵana máselege arnalǵan

NUR-SULTAN. QazAqparat – Prezızent jerdi sheteldikterge satý tyıym salatyn zańdy usynsa, Jer komıssııasy ne úshin jınalyp júr? Qoǵam arasynda jıi qoıylyp júrgen osy suraqqa Memleket basshysynyń keńesshisi Erlan Qarın «Habar-24» arnasynda «Suhbat» baǵdarlamasyda jaýap berdi, dep habarlaıdy QazAqparat.

«Prezıdenttiń bastamasymen daıyndalǵan jer týraly zań jobasynda tek qana bir norma qarastyrylady. ıAǵnı jerdi sheteldikterge satýǵa, jalǵa berýge tyıym salý, boldy. Al Jer komıssıasynda jerdi paıdalanýǵa qatysty ózge de máseleler talqylanyp, pysyqtalady. Nege? Sebebi jer máselesine qatysty qoǵam ishinde birneshe másele osyǵan deıin talqylanyp kelgen bolatyn. Jerdi satpaý jóninde, qazaqstandyqtarǵa jerdi jeke menshikke satýǵa bola ma, jalǵa berýge degen sııaqty. Alaıda dál osy máselelerdiń ishinde jerdi sheteldikterge satýǵa tyıym salý boıynsha qoǵamda da, bılikte de ustanymnyń bir ekendigin eskere otyryp, Prezıdent Ulttyq keńestiń 25 aqpandaǵy V otyrysynda málimdeme jasap, osy máselesi boıynsha túrli daýǵa, pikirtalastarǵa núkte qoıý qajettigi jóninde óz tarapynan birjola sheshim qabyldap, óziniń Prezıdenttik zań bastamasy turǵysynan Prezıdent ákimshiligine arnaıy zańdy daıyndaý týraly tapsyrma berdi», - dedi Prezıdent keńesshisi.

Ol, sondaı-aq, Prezıdent 12 naýryzda óziniń arnaıy joldaýymen Parlamentke jerdi sheteldikterge satýǵa jáne jalǵa berýge tyıym salý boıynsha zań jobasyn jibergenin eske saldy. Soǵan sáıkes jumys toby qurylyp, birneshe talqylaý ótip, komıtettiń birneshe otyrysy uıymdastyrylǵan.

«Ótken aptada birinshi oqylym ótti, búgin mine ekinshi oqylymy ótip, Májilisten endi zań jobasy Senatqa túsedi. Sóıtip qazaqstandyqtardyń arasynda sońǵy jyldary óte kóp talqylanǵan jerdi sheteldikterge satýǵa baılanysty túrli daý-damaı, áńgimelerge osymen núkte qoıylyp, tyıylady dep senemiz», - dedi Erlan Qarın.

Onyń aıtýynsha, Jer komıssııasy jerge qatysty osy zań jobasynda qozǵalǵan máseleden basqa kóptegen suraqtarǵa jaýap tabýy tıis.

«Al jer komıssııasy osy jer máselesine qatysty qazaqstandyqtarǵa jer satý, jer kadastry jáne t.b. jer qatynastaryna baılanysty týyndap otyrǵan basqa da máselelerdi talqylap, asyqpaı jan-jaqty qarap, sarapshylarmen birge pysyqtap ózderi bir sheshimge kelýi kerek. Prezıdenttiń zań jobasy tek qana sheteldikterge satýǵa jáne jalǵa berýge tyıym salý máselesi boıynsha bolatyn», - dedi Memleket basshysynyń keńesshisi suhbat barysynda.