Erlan Qarın: Prezıdent baǵyty Qazaqstandy túbegeıli jańǵyrtýdy kózdeıdi

<p>Frantsııanyń halyqaralyq geosaıasatqa arnalǵan <a href="https://essentiel-int.com/lagenda-creatif-du-kazakhstan/" target="_blank" rel="noopener">L`Essentiel des relations internationales</a> basylymynda Memlekettik keńesshi Erlan Qarınniń &laquo;Qazaqstannyń jasampaz kúntártibi&raquo; dep atalatyn maqalasy jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Erlan Qarın maqalasynda ótken jyldyń ishindegi Qazaqstan damýynyń keıbir qorytyndylaryn alǵa tartady.

«Prezıdent Qasym-Jomart Toqaev Qazaqstandy túbegeıli jańǵyrtýdy kózdeıtin baǵytty múltiksiz júrgizip keledi. 2023 jyl da erekshe boldy jáne ol Qazaqstan úshin reformalar aıasynda ótip barady. Saıasattaǵy jáne ekonomıkadaǵy prezıdenttik reformalardyń logıkasy olardyń úılesimdiligine negizdelgen. Ár  reforma, jańa bastama birin-biri tolyqtyratyn júıeli sıpatqa ıe. Jáne de prezıdenttik baǵyttyń barlyq baǵdary — saıasat, ekonomıka jáne ıdeologııa — búkili birge eldi jańǵyrtýdyń biregeı baǵdarlamasyn quraıdy. Reforma protsesiniń mańyzdy ereksheligi — qoǵamnyń reforma baǵytyn qoldaýy sanalady. Buǵan „Halyq únine qulaq asatyn memleket“ tujyrymdamasy septigin tıgizedi. Ony Qasym-Jomart Toqaev sonaý 2019 jyly, óziniń prezıdenttigi bastalǵan kezeńde qalyptastyrǵan bolatyn. Basty ustanym el damýynyń barlyq negizgi máselelerinde qoǵamdyq pikirdi eskere otyryp, teńgerimdi, shoǵyrlandyrylǵan sheshim qabyldaýǵa negizdelgen. Bul dıalog jáne ymyra arqyly bılik pen qoǵamnyń ózara is-qımylynyń jańa modelin qalyptastyrdy», — dep atap ótedi Erlan Qarın.