Erlan Qarın: Memleket Jazýshylar odaǵynyń jumysyna erekshe mán beredi

<p>ASTANA. KAZINFORM &mdash; Memlekettik keńesshi Erlan Qarın Qazaqstan Jazýshylar Odaǵynyń qurylǵanyna 90 jyl tolǵanyna oraı uıymdastyrylǵan is-sharaǵa qatysty.&nbsp;</p>

Erlan Qarın saltanatty jıynda Memleket basshysynyń quttyqtaý hatyn oqyp berdi, sondaı-aq qazaq rýhanııatynyń qarashańyraǵy jónindegi oı-pikirin ortaǵa saldy.

– Memleket ádebıetti damytý isine jáne ádebı ortanyń jalpy ahýalyna aıryqsha nazar aýdarady. Jazýshylar odaǵynyń jumysyna erekshe mán beredi. Prezıdentimiz Qasym-Jomart Toqaevtyń qalamgerlerge degen yqylasy men qurmetin barshańyz jaqsy bilesizder. Ol memlekettiń basshysy ǵana emes, jazýshynyń perzenti retinde de tól ádebıetimizge beı-jaı qaramaıdy. Sońǵy jyldary atqarylǵan aýqymdy jumystar – osynyń aıqyn kórinisi,- dedi Erlan Qarın.

Eske sala keteıik, buǵan deıin Erlan Qarın jemqorlyqpen kúres boıynsha birqatar tapsyrma bergenin jazǵan bolatynbyz.