Erlan Qarın Memleket basshysy bergen suhbattyń mańyzdy tustaryn atady

<p>Memlekettik keńesshi Erlan Qarın Memleket basshysynyń &laquo;Ana tili&raquo; gazetine bergen suqbatynda kóterilgen mańyzdy máselelerdi atady.&nbsp;</p>

Erlan Qarınniń aıtýynsha, Memleket basshysy «Ana tili» gazetine bergen suhbatynda 2024 jyldy qorytyndylap qana qoımaı, biryńǵaı ýaqyt beldeýi, atom elektr stansasy, dollar baǵamy, Talǵar oqıǵasy, kezekten tys saılaý ótkizý yqtımaldyǵy jáne basqa da qoǵamda qyzý talqylanǵan kókeıkesti máselelerge qatysty pikir bildirgen.  

— Jyl basynda ashyq ári mazmundy suhbat berý jańa saıası dástúrge aınalyp keledi. Bul suhbattaǵy negizgi oı-tujyrym — elimizde aýqymdy ári jan-jaqty reformalar jalǵasyn tabady, alda atqarylatyn jumys kóp, syn-qaterge toly kezeńde kúsh-jigerimizdi biriktirip, qoǵamnyń bereke-birligin saqtaı bilý kerek, - dedi ol. 

Memlekettik keńesshiniń aıtýynsha, jalpy, suhbatta ishki saıasattyń 2025 jylǵa arnalǵan kún tártibi anyqtalǵan.

—  Mundaı tásil memlekettik organdar úshin de, qoǵam úshin de tıimdi, sebebi memleket saıasatynyń maqsattaryn tereń túsinýge septigin tıgizedi. Bıliktiń elimizdi odan ári damytýǵa qatysty ustanymyn kórsetedi, - dedi Erlan Qarın.  

Eske sala keteıik, buǵan deıin Qarın esirtki tasymaldaýshy jastardyń jazasyn jeńildetýge qatysty pikir bildirgen bolatyn.