Erlan Qarın Qazaqstannyń strategııalyq zertteýler ınstıtýty Ǵylymı keńesiniń otyrysyna qatysty

<p>Búgin Memlekettik keńesshi Erlan Qarın Qazaqstan Respýblıkasy Prezıdenti janyndaǵy Qazaqstannyń strategııalyq zertteýler ınstıtýtyna (QSZI) baryp, Ǵylymı keńestiń otyrysyna qatysty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform </a>Aqordanyń<a href="https://www.akorda.kz/kz/memlekettik-kenesshi-kazakstannyn-strategiyalyk-zertteuler-instituty-gylymi-kenesinin-otyrysyna-katysty-1005945" target="_blank" rel="noopener"> baspasóz</a> qyzmetine silteme jasap.</p>

Jıynda ınstıtýttyń bıylǵy jylǵa josparlanǵan taldaý jumysynyń negizgi baǵyttary men mańyzdy is-sharalary talqylandy. Atap aıtqanda, QSZI el damýynyń ishki saıası úderisteri men ekonomıkalyq úrdisterin zertteýge, sondaı-aq syrtqy saıası ahýaldy baǵamdaýǵa basa mán beredi.

Óz kezeginde Memlekettik keńesshi ınstıtýttyń aldaǵy ýaqytta atqaratyn mindetterine toqtalyp, Prezıdent Qasym-Jomart Toqaev qańtar aıynyń basynda «Egemen Qazaqstan» gazetine bergen suhbatynda memlekettik saıasattyń negizgi baǵyt-baǵdaryn aıqyndaǵanyn atap ótti. Sondyqtan Qazaqstannyń strategııalyq zertteýler ınstıtýty basty taldaý ortalyǵy retinde júzege asyrylyp jatqan memlekettik saıasatty saraptamalyq-taldamalyq turǵydan qamtamasyz etý isine belsene atsalysýy kerek.

Budan bólek, Erlan Qarın ınstıtýttyń aımaqtardaǵy sarapshylar qaýymdastyǵymen qarym-qatynasty nyǵaıtýǵa, jas sarapshylardy qoldaýǵa, halyqaralyq yntymaqtastyqty tereńdetýge, sonyń ishinde «Central Asia’s Affairs» jýrnalyn birlesip ázirleýge qatysty josparlary men bastamalaryna oń baǵa berdi.