Erlan Qarın Germanııa Parlamentiniń depýtattarymen kezdesti

ASTANA. QazAqparat - Memlekettik keńesshi Germanııa Parlamentiniń depýtattarymen kezdesti, dep habarlaıdy QazAqparat Aqordaǵa silteme jasap.

QR Memlekettik keńesshisi Erlan Qarın Býndestagtyń «Germanııa-Ortalyq Azııa» parlamenttik tobynyń jetekshisi Oıgen Shmıdt bastaǵan depýtattarmen kezdesý ótkizdi.

Kezdesý barysynda taraptar ekijaqty yntymaqtastyqtyń qazirgi ahýaly men perspektıvasyn qamtyǵan aýqymdy máselelerdi talqylady.

Erlan Qarın Býndestag depýtattaryn elimizde júrgizilip jatqan saıası reformalardyń mán-mazmunymen jáne aldaǵy Parlament Májilisi men barlyq deńgeıdegi máslıhat depýtattaryn saılaýdyń erekshelikterimen tanystyrdy.

Óz kezeginde Germanııa Parlamentiniń delegatsııasy Qazaqstandaǵy saıası jańǵyrýdyń júıeli júzege asyp jatqanyn joǵary baǵalap, elimizdiń demokratııalyq ózgeristerge bastaǵan jolyna tabys tiledi.

Foto: akorda.kz