Erlan Qarın búgingi mıtıngilerdiń nelikten zańsyz ekenin túsindirdi

NUR-SULTAN. QazAqparat – Áleýmettik jelide birqatar azamattar «beıbit jıyndar týraly jańa zań qabyldandy emes pe, nelikten mıtıng ótkizýge ruqsat berilmedi» degen sekildi pikir bildirýde. QR Prezıdentiniń keńesshisi Erlan Qarın osyǵan oraı Facebook-tegi paraqshasynda túsinikteme berdi, dep habarlaıdy QazAqparat.

«Beıbit jıyndardy uıymdastyrý jáne ótkizý tártibi» týraly jańa zańǵa mamyrdyń 25 kúni qol qoıylyp, óz kúshine dál búgin – maýsymnyń 6-synda enip jatyr. Onyń ústine, búgingi mıtıngige alǵash ret úndep shaqyrǵanda, bul zań sol kezde parlamentte áli talqylanyp jatqan bolatyn. ıAǵnı, búgingi aktsııalardy uıymdastyrýshylar osy mıtıngini jańa zańǵa sáıkes: bes kún buryn jergilikti bılik organdaryna aldyn ala habarlama jiberip, ótkizýge barlyq múmkindikteri boldy. Alaıda, ókinishke qaraı uıymdastyrýshylar qasaqana, jańa zańnyń búgin ǵana óz kúshine enetinin bile tura, mıtıngige shaqyryp, úndep jatty», dep jazdy Erlan Qarın.

Ekinshiden, QR Prezıdentiniń keńesshisi, quqyqtyq normalardan basqa, tótenshe jaǵdaı aıaqtalǵanymen, karantınniń birshama shekteýleri áli de saqtalýda ekenin atap ótti.

«Sanıtarlyq qyzmet ókilderi kópshilik jınalatyn sharalardan basqa, tipti otbasylyq sharalardan bas tarta turýǵa qaıta-qaıta úndeýde. Osyndaı jaǵdaıda basqa azamattardyń densaýlyǵy men qaýipsizdigimen sanaspaı, osyndaı sharany ótkizý qaı jaǵynan qarasańyz da durys bolmady» dep túsindirdi ol.