Erlan Qarın: Beıbit jıyndar týraly zań jobasy - saıası protsesterdi lıberalızatsııalaýda aıtarlyqtaı alǵa jasalǵan qadam
«Keshe Májilis ekinshi oqylymda beıbit jıyndar týraly zań jobasyn maquldady. Bul túbegeıli túrde jańa zań ekenin atap ótý kerek. Qazir qoldanystaǵy zań 1995 jyly qabyldanǵan bolatyn. Beıbit jıyndar týraly zań jobasyn jetildirý qajettigin 2019 jyldyń qyrkúıek aıynda Prezıdent Qasym-Jomart Toqaev Qazaqstan halqyna Joldaýy kezinde aıtqan edi. Arada kóp ótpeı Memleket basshysy Ulttyq qoǵamdyq senim keńesiniń ekinshi otyrysynda jańa zań aıasynda habarlandyrý (eskertý) qaǵıdatyn engizý kerektigin málimdedi», - dep jazdy Erlan Qarın.
Prezıdenttiń keńesshisi 2020 jyldyń qańtar aıynda Aqparat jáne qoǵamdyq damý mınıstrligi beıbit jıyndar týraly jańa zań jobasyn qoǵamnyń talqylaýyna shyǵarǵanyn, osy tusta qoǵam ókilderi men sarapshylardyń, quqyq qorǵaý salasyndaǵy mamandardyń usynystary men eskertýi nazarǵa alynǵanyn jazady.
«Osydan keıin Májilis atalǵan zań jobasyn jumys barysyna qabyldady. Jumys tobyna belgili quqyq qorǵaý salasynyń mamandary, zańgerler, qoǵam qaıratkerleri men Ulttyq keńes músheleri endi. Kún saıyn pikirtalas júrip jatty. Aqyrynda Májiliste atalǵan zań jobasyna aıtarlyqtaı ózgerister engizildi. ıAǵnı árbir kezeńde zań jobasyna ózgeris engizilip, negizgi normalar men tártipter aıqyndaldy. Jańa zań jobasynyń kontseptýaldy turǵyda lıberaldyq sıpatqa ıe ekenin atap ótý kerek. Máselen habarlandyrý ýaqyty qysqartylyp, zańmen tyıym salynbaǵan kez kelgen jerde pıket uıymdastyrýǵa ruqsat berilip, qujattardyń bárine talaptar qysqartyldy. Jýrnalısterdiń jumysyn retteıtin normalardyń bári alynyp tastaldy. Odan bólek talqylaý barysynda Ulttyq keńes músheleri bergen usynystar da engizildi», - deıdi ol.
Erlan Qarınniń jazýynsha Prezıdenttiń bastamasy boıynsha atalǵan zań jobasynda mıtıng ótkizýde ruqsat alý qaǵıdaty alynyp tastalyp, eskertý tártibi bekitilgen.
«Bul – túbegeıli túrde jańa amal. Sol sebepti atalǵan zań jobasy - eldegi saıası protsesterdi ary qaraı lıberalızatsııalaýda aıtarlyqtaı alǵa jasalǵan qadam ári ol qoǵamdyq-saıası qarym-qatynas qaǵıdattarynyń tyń qaǵıdattaryn qalyptastyrady», - dep jazady Memleket basshysynyń keńesshisi.