Erlan Qarın: Áıelder men balalardyń quqyǵyn qorǵaý – memlekettik saıasattaǵy basymdyqtyń biri

<p>ASTANA. KAZINFORM - Áıelder men balalardyń irgeli quqyqtaryn qorǵaý &ndash; memlekettik saıasattaǵy basymdyqtyń biri. Bul týraly Qazaqstan Respýblıkasynyń Memlekettik keńesshisi Erlan Qarın telegram arnasynda &laquo;Áıelderdiń quqyqtary men balalardyń qaýipsizdigin qamtamasyz etý týraly&raquo; zań týraly pikirinde jazdy.&nbsp;</p>

- Búgin Senat «Áıelderdiń quqyqtary men balalardyń qaýipsizdigin qamtamasyz etý týraly» zańdy maquldady.

Memleket basshysy 2023 jylǵy Joldaýda turmystyq zorlyq-zombylyq úshin jaýapkershilikti kúsheıtýdi tapsyrǵan bolatyn. Kóp uzamaı Májilis depýtattary jańa qujatty ázirleýge kiristi. Bul jumysqa Bala quqyqtary jónindegi ýákil Dınara Zákıeva, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń, sondaı-aq Ulttyq quryltaıdyń músheleri belsene atsalysty.

Turmystyq zorlyq-zombylyqtyń qylmys dep tanylýy, balalarǵa qatysty zorlyq-zombylyqtyń barlyq túrleri úshin jazanyń kúsheıtilýi jáne otbasyndaǵy zorlyq-zombylyqtyń aldyn alýǵa arnalǵan túrli sharalardyń belgilenýi zańnyń negizgi jańashyldyǵy dep ataýǵa bolady.

Áıelder men balalardyń irgeli quqyqtaryn qorǵaý – memlekettik saıasattaǵy basymdyqtyń biri. Bul másele qashan da Memleket basshysynyń basty nazarynda, - degen Memlekettik keńesshi. 

Aıta keteıik, Prezıdent Ulttyq quryltaıdyń úshinshi otyrysynda turmystyq zorlyq-zombylyqty ymyrasyz kúres júrgizýdi qajet etetin áleýmettik keseldiń biri retinde atap ótken bolatyn.

Búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» Zańy men ilespe qujat eki oqylymda qaralyp, maquldandy.