Erlan Qarın: Aýdan, qala ákimderin saılaý — Ortalyq Azııadaǵy alǵashqy osyndaı saıası tájirıbe

<p>Qazaqstanda tuńǵysh ret aýdan jáne oblystyq mańyzy bar qala ákimderin saılaý &mdash; Ortalyq Azııa aımaǵyndaǵy alǵashqy osyndaı saıası tájirıbe. Bul týraly Qazaqstan Respýblıkasynyń Memlekettik keńesshisi Erlan Qarın <a href="https://web.telegram.org/a/#-1001118905413" target="_blank" rel="noopener">Telegramdaǵy arnasynda</a> jazdy.&nbsp;</p>

"Qazaqstanda tuńǵysh ret aýdan jáne oblystyq mańyzy bar qala ákimderi saılandy. Ózderińizge málim, aýyl ákimderin saılaý 2 jyldan beri ótkizilip keledi (sodan beri 1700-ge jýyq ákim saılandy).

Aýdan ákimderiniń saılaýy qoǵamda zor qyzyǵýshylyq týǵyzdy. 45 ákim laýazymyna 125 úmitker talasty. Olardyń qatarynda túrli salanyń ókilderi – ekonomıster, zańgerler, oqytýshylar, ınjenerler, aýyl sharýashylyǵy jáne basqa da sala mamandary boldy. 7 saıası partııanyń bári aýdan ákimderiniń saılaýynda óz úmitkerlerin usyndy. 1 497 saılaý ýchaskesinde kandıdattar senim bildirgen tulǵalar, baıqaýshylar jáne buqaralyq aqparat quraldarynyń ókilderi, barlyǵy 8500-ge jýyq adam baıqaý júrgizdi", - dedi Memlekettik keńesshi. 

Sondaı-aq, Erlan Qarın aýdan jáne oblystyq mańyzy bar qala ákimderin saılaý - Ortalyq Azııa aımaǵyndaǵy alǵashqy osyndaı saıası tájirıbe ekenin atap ótti.
Jáne de, osylaısha Prezıdent Qasym-Jomart Toqaevtyń saıası reformalary óńirdegi saıası jańǵyrtý isiniń jańa baǵdaryn aıqyndap jatqanyn aıtty.