Erlan Daýylbaev saılaýdy baıqaý negizderin túsindirdi

NUR-SULTAN. QazAqparat – Aqparat jáne qoǵamdyq damý mınıstrligi Ortalyq saılaý komıssııasymen birge «ÚEU akademııasy» bilim berý jobasy sheńberinde saılaýdy baıqaý negizderin túsindirýge arnalǵan semınar ótkizip jatyr, dep habarlaıdy QazAqparat tilshisi.

Otyrysqa onlaın rejımde 500-den astam qatysýda. Ortalyq saılaý komıssııasynyń múshesi Erlan Daýylbaev saılaýdy baıqaý negizderin túsindirdi.

«Daýys berýge arnalǵan nysanda saılaý ýchaskesi ashylǵan sátten bastap daýys berý qorytyndysy shyqqanǵa deıin daýys sanaý barysyna myna azamattar qatysýǵa quqyly: halyqaralyq baıqaýshylar (olar aýdarmashymen júrýi múmkin), sheteldik buqaralyq aqparat quraldarynyń ókilderi (olardyń sany shektelmeıdi). Otandyq baıqaýshylar týraly aıtar bolsaq, árbir saıası partııadan, basqa da qoǵamdyq uıymdardan nemese kommertsııalyq emes uıymdardan bir ýaqytta bir-bir baıqaýshydan qatysa alady», - dedi Erlan Daýylbaev.

Onyń aıtýynsha bul talap saıası partııalardyń senimdi ókilderine de jáne qazaqstandyq BAQ ókilderine de qatysty ekenin jetkizdi.

«Daýys berýge arnalǵan nysandaǵy adamdar saılaý komıssııasy bekitken erejelerdi qatań saqtaýy kerek. Ol erejelerde baıqaýshylar men daýys berýshilerdiń quqyqtary men mindettemeleri naqty bekitilgen. Daýys berý kúni ýchaskelik saılaý komıssııasynyń tóraǵasy komıssııanyń ashyqtyǵyn qamtamasyz etip, saılaýshylardyń belsendi saılaý quqyǵyn túsindirýi kerek. Ol saılaý ýchaskesindegi saılaýshylardyń sanyn qadaǵalap, tártip úshin jaýapty bolady, konstıtýtsııalyq zańdaǵy tártipti buzyp, daýys berýge kedergi keltirgen kez kelgen adamdy nysannan shyǵarýǵa quqyly», - dedi ol.