Erlan Aıtahanov shymkenttikterdi jeke máseleleri boıynsha qabyldady

ShYMKENT. QazAqparat – Shymkent qalasynyń ákimi Erlan Aıtahanov qoǵamdyq qabyldaý ótkizdi. «Nur Otan» partııasynyń qalalyq fılıalynyń ǵımaratyndaǵy qabyldaýǵa shahar turǵyndary kelip, ózderin tolǵandyrǵan máselelerin jetkizdi, dep habarlaıdy QazAqparat tilshisi.

Aıyna eki ret ótetin qoǵamdyq qabyldaýǵa kelgen azamattar qala aýmaǵynda ózekti bolyp otyrǵan problemalaryn aıtyp, ákimnen olardyń oń sheshilýine yqpal etýin surady. Atap aıtqanda, shymkenttikter jumyspen qamtý, jalaqy máselesi, ataýly áleýmettik kómek taǵaıyndaý tártibi týraly máselelermen júgindi. Sondaı-aq, eldi mekenderge jolaýshylar tasymalyn uıymdastyrý jáne jeke kásipti damytý jóninde saýaldaryn qoıdy. Óz kezeginde qala ákimi Erlan Aıtahanov turǵyndardyń kókeıtesti máselelerin muqııat tyńdap, olarǵa tuşymy jaýaptar berdi. Tıisti memlekettik mekeme basshylaryna týyndaǵan máselelerdi zańnama aıasynda sheshýge naqty tapsyrmalar júktedi. Halyqty mazalaǵan barlyq problemalardy basty nazarda ustaıtynyn, aldaǵy ýaqytta olardy baqylaýyna alatynyn atap ótti.