Erli-zaıyptylardyń notarıaldy kýálandyrylǵan kelisimin onlaın resimdeýge bolady

<p class="MsoNoSpacing"><span lang="KZ" style="mso-ansi-language: KZ;">Endi erli-zaıyptylardyń notarıaldy kýálandyrylǵan kelisimin eGov mobile qosymshasynda onlaın túrde resimdeýge bolady, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></span></p>

Qazaqstan Tsıfrlyq damý, ınnovatsııalar jáne aeroǵarysh ónerkásibi mınıstrliginiń jáne Ádilet mınıstrliginiń, respýblıkalyq notarıattyq palatanyń arasyndaǵy ıntegratsııa azamattarǵa notarıat kýálandyrǵan qujattardy birneshe mınýt ishinde kýálandyrýǵa múmkindik beredi.

eGov mobıldi qosymshasynyń «eNotary» qyzmetinde erli-zaıyptylardyń kelisimin talap etetin qujattardy resimdeýdiń qosymsha optsııasy paıda boldy. Kelisim onlaın rejıminde bıometrııalyq tekserýden ótý arqyly jasalady. Sodan keıin notarıýs klıenttiń derekterin tekseredi. Kelisimdi rastaǵannan keıin notarıaldy kýálandyrylǵan qujat jasalady.

Erli-zaıyptylardyń kelisimin alý úshin:

- eGov Mobile qosymshasynda avtorızatsııadan ótý;

- basty bette «eNotary» qyzmetin ashý;

- tizimnen áreket túrin tańdaý – «kelisim»;

- ótinish formasyn toltyrý jáne bıometrııalyq tekserýden ótý;

- beıneqońyraý arqyly jubaıynyń kelisimin alý;

- notarıaldyq qyzmetke aqy tóleý qajet.

Beıneqońyraý aıaqtalǵannan keıin paıdalanýshy «Notarıattyq is-áreketter» bóliminde ótinimniń mártebesin kóre alady. EGov Mobile qosymshasynyń «Tsıfrlyq qujattar» bólimindegi QR kodty skanerleý arqyly beınekameranyń kómegimen resmı kýálandyrylǵan senimhattyń túpnusqalyǵyn tekserýge bolady.

Jańa senimhat «Tsıfrlyq qujattar» servısinde qoljetimdi bolady jáne ony talap etý orny boıynsha usynýǵa bolady.