Eriktiler sý tasqynynan zardap shekken halyqqa kómektesip jatyr

<p>ASTANA. KAZINFORM &mdash; Volonterler Qostanaı, Batys Qazaqstan, Aqtóbe, Abaı oblystaryndaǵy sýǵa ketken aımaqtarda adamdardy evakýatsııalap, aýmaqtardy jınasýǵa kómek qolyn sozyp, ystyq tamaq pen aýyz sý taratýǵa jáne basqa da túrli is-sharalarǵa belsendi atsalysyp jatyr. Bul týraly QR Mádenıet jáne aqparat mınıstrliginiń baspasóz qyzmeti málimdedi.&nbsp;</p>

Halyqqa kómek kórsetýge barlyǵy 500-den astam erikti, volonterlyq uıymdar men toptar jumyldyryldy. 

Máselen, Qostanaı oblysynyń Arqalyq qalasynda jergilikti atqarýshy organdardyń ókilderi eriktilermen birlesip, aýdannyń 45 úıinde erigen sýdy sorý jumystaryn júrgizdi, 880 tonnadan astam qoj jáne 120 tonna topyraq paıdalanylyp, 300-den astam ınertti materıal tóseldi.

«Oqý oryndarynyń stýdentterinen jasaqtalǵan volonterlik toptar sýǵa ketýi múmkin, qaýipti úılerdiń aýmaǵyn qardan tazartpaq. Bul iske oblys boıynsha barlyǵy 200-ge jýyq erikti tartyldy. Soltústik Qazaqstan oblysynda volonterlerdiń aımaqtyq front ofısi, «Kómek janyńda» volonterlik qozǵalysy jáne TJD-men birlesip, sý basý qaýpi bar jerlerge reıdter júrgizip, turǵyndarǵa nusqaý berip, jadynamalar taratyp jatyr» - delingen habarlamada.  

Qala men aýdandardaǵy sý basýy múmkin, qaýipti ýchaskelerde ornalasqan turǵyn úıler erekshe baqylaýǵa alyndy.

Barlyq óńirlerde arnaıy volonterlyq toptar uıymdastyrylǵan, qajet bolǵan jaǵdaıda olar qutqarý qyzmetterine kómektesetin bolady.