Eriktiler memlekettik satyp alý kezinde 15,2 mlrd teńgeniń negizsiz jumsalýynyń aldyn aldy

Foto: Фото: Kazinform
<p>Eriktiler jol qurylysynyń monıtorıngine, ózekti áleýmettik máselelerdi sheshýge jáne bıýdjet qarajatynyń tıimsiz jumsalýyn boldyrmaýǵa belsendi aralasýda. Belsendiler sany shamamen 2,5 myń adamdy quraıdy.</p>

«Olar memlekettik satyp alý kezinde 15,2 mlrd teńgeden astam baǵany kóterý táýekelderiniń aldyn aldy.

Mysaly, Almaty qalasy eriktisiniń usynymymen Energetıka jáne sýmen jabdyqtaý basqarmasy jyljymaly elektrotehnıkalyq zerthananyń satyp alý baǵasyn 45 mln teńgege tómendetti.

Túrkistan oblysynda eriktiler balalar úıiniń tárbıelenýshilerin medıtsınalyq uıymdarǵa elektrondyq úkimet portaly arqyly bekitýdiń tıisti fýnktsıonaly joq ekenin anyqtady. Bul medıtsınalyq mekemelerge aqyly negizde júginý qajettiligine ákeldi.

Bul másele salalyq mınıstrliktermen birlesip 18 jasqa deıingi balalarǵa, onyń ishinde qorǵanshylyq pen qamqorshylyqtaǵy jáne «zańdy ókili» bar balalar (áreketke qabiletsiz nemese áreketke qabiletti kámeletke tolmaǵandar) arasynda joıyldy», — dep jazdy Antıkordan.

Sondaı-aq, eriktiler avtojoldar qurylysyn monıtorıngileýge belsendi qatysady.

Abaı oblysynda eriktiler oblystyq joldy jóndeý kezinde jol belgileri bolmaǵanyna jáne jumystyń barlyq kólemi oryndalmaǵanyna nazar aýdardy. Ýaqytyly áreket etý nátıjesinde buzýshylyqtar joıyldy.

Elordada eriktiniń eskertýlerimen, merdiger jol salý kezinde topyraq sapasynyń kemshilikterin joıǵan.

Sybaılas jemqorlyqqa qarsy eriktiler halyqtyń áleýmettik máselelerin sheshýge yqpal etetin qoǵamdyq baqylaýdy qamtamasyz etý jónindegi jumysty jalǵastyrýda.

Seıchas chıtaıýt