Erkin kúresten Nurıslam Sanaev Olımpıada oıyndaryn jeńispen bastady

TOKIO. QazAqparat - Tokıo Olımpıadasynda erkin kúres boıynsha saıystar bastaldy, dep habarlaıdy QazAqparat Olympic.kz-ke silteme jasap.

Jarystyń alǵashqy kúninde 57 kelige deıingi salmaq dárejesinde balýandar kilemge shyqty.

Qazaqstan quramasynan Nurıslam Sanaev alǵashqy kezdesýin Gvıneıa-Bısaý eliniń ókili Iýna Fafe Dıamantınoǵa qarsy ótkizdi. Tartysty kezdesý 7:0 esebimen otandasymyz Nurıslam Sanaevtyń enshisine sheshildi.

1/8 fınaldy sátti aıaqtaǵan Nurıslam Sanaev shırek fınalda álem chempıony, Azııa oıyndarynyń qola júldegeri japonııalyq ıÝkı Takahashımen kezdesedi.

Foto: Jeńis Ysqabaı, Qazaqstan UOK