Erkin kúresten Azııa chempıondary jeńisteri jóninde oılaryn aıtty

ASTANA. QazAqparat - Erkin kúresten Azııa chempıony atanǵan Darhan Esenǵalı (74 keli) men Azamat Dáýletbekov (86 keli) jeńisteri jóninde pikir bildirdi, dep habarlaıdy QazAqparat tilshisi.

Aldymen Darhan Esenǵalı Azııa chempıonatynyń fınalynda japonııalyq Kırın Kınoshıtany qapy qaldyrdy.

«Sáttilik serik bolyp, qurlyqtyq dodada bıik tuǵyrdan kórindim. Jankúıer qoldaýyn erekshe sezindim. Tilektes bolǵan barsha azamattarǵa rızashylyǵymdy bildiremin. Bapkerlerime de alǵysym sheksiz», - dedi Darhan Esenǵalı.

Azamat Dáýletbekov fınalda ırandyq Adı Reza Karımıdi tize búktirdi.

«Qurlyqtyq doda men úshin sátti ótti. Aqtyq beldesýdegi qarsylasym - ırandyq balýan tájirıbeli sportshy. Budan buryn talaı márte sheberlik baıqasqan edik. Jeńilister de boldy. Ony alǵash ret tize búktirdim. Qarsylasymnyń yńǵaıyna keletin eki-úsh ádisi bar. Soǵan túsip qalamýǵa tyrystym. Osylaısha eki dúrkin Azııa chempıony atanýǵa múmkindik týdy», - dedi Azamat Dáýletbekov.

Sondaı-aq, el quramasynan Sanjar Dosjanov (70 keli), Bolat Saqaev (79 keli) altynnan alqa taqty.

Al Rızabek Aıtmuhan (92 keli) pen Júsip Batyrmurzaev (125 keli) kúmis júldege ıe boldy.

Sondaı-aq, Rahat Qaljan (57 keli) qola aldy.

Nátıjesinde medaldar kestesinde erkin kúresten Qazaqstan balýandary Azııa chempıonatynda medaldar kestesinde birinshi oryn aldy.