Erkin kúres sheberleri Tokıo olımpıadasyna ekinshi joldama jeńip aldy

NUR-SULTAN. QazAqparat – Elordada kúres túrlerinen ótip jatqan lıtsenzııalyq Álem chempıonatynda erkin kúresten Nurıslam Sanaev Tokıo Olımpıadasyna joldama jeńip aldy, dep habarlaıdy QazAqparat tilshisi.

57 kelide el namysyn qorǵaǵan Nurıslam Sanaev shırek fınalda kolýmbııalyq Oskar Ýrbanodan aılasyn asyryp, jartylaı fınalǵa ótti. Ol Ýrbano 10:6 esebimen jarys jolynan taıdyrdy. Osylaısha álem chempıonatynyń jartylaı fınalyna ótip, oǵan qosa Tokıo Olımpıadasynyń joldamasyn jeńip aldy.

Nurıslam Sanaev alǵashqy beldesýinde moldovalyq Anatolıı Býrıandy 11:0 esebimen utsa, 1/8 fınalda germanııalyq Djastın Djýnıor Lerdi 7:0 esebimen jeńip, shırek fınalǵa shyqqan edi.

Sondaı-aq, osyǵan deıin Dáýlet Nııazbekov aldaǵy Olımpıada oıyndaryna joldama utyp alǵanyn habarlaǵan bolatynbyz .