Erkin baǵdarlamada barymdy salamyn - Elızabet Tursynbaeva

PHENChHAN. QazAqparat - Ońtústik Koreıada ótip jatqan qysqy Olımpıada oıyndarynda mánerlep syrǵanaýdan qysqa baǵdarlamada synǵa túsken Elızabet Tursynbaeva jarystan keıingi áserimen bólisti, dep habarlaıdy QazAqparat tilshisi.

"Men qysqa baǵdarlamada óte jaqsy óner kórsettim dep esepteımin. Osyndaı álem kóz tigip otyrǵan Olımpıada oıyndarynda saıysqa túsip jatqanyma qýanyshtymyn. Sebebi, mánerlep syrǵanaýdan Qazaqstannan Olımpıada oıyndaryna tuńǵysh ret eki qyz qatysyp otyr. Bul úlken jetistik", - dep atap ótti ol.

Sondaı-aq, Elızabet Tursynbaeva erteń erkin baǵdarlamada baryn salyp, joǵary upaı enshileýge tyrysatynyn aıtty.

"Men jarys barysynda oryndaýǵa tıisti birinshi elementti jasaı almadym. Sol úshin upaıym sál tómendep qaldy. Al basqa jattyǵýlardy jaqsy oryndadym. Bastysy erkin baǵdarlamaǵa qatysýǵa múmkindik alyp otyrmyn. Buıyrsa, erteń erkin baǵdarlamada barymdy salyp, joǵary upaı alýǵa kúsh salamyn", - dedi ol.