Erkebulan Imanǵalı MMA boıynsha álem chempıony atandy

ASTANA. QazAqpraat – Birikken Arab Ámirlikteriniń astanasy Ábý-Dabıde 12-17 jas aralyǵyndaǵy jacóspirimder arasynda MMA-dan álem chempıonaty ótip jatyr, dep habarlaıdy QazAqparat.

Jarysqa 46 elden 653 sportshy qatysyp jatyr.

Qazaqstan namysyn 14-15 jáne 16-17 jas aralyǵyndaǵy jasóspirimder quramasynyń 35 múshesi qorǵaıdy.

Ekinshi jarys kúniniń qorytyndysy boıynsha 40 kelige deıingi salmaqta Mańǵystaý oblysynyń ókili Erkebulan Imanǵalı álem chempıony atandy. Ol fınalda lıvandyq sportshy Omar Antarmen kezdesti. Tóreshiler biraýyzdan jeńisti qazaqstandyq sportshyǵa berdi.

Taǵy bir júldeger – Túrkistan oblysynyń sportshysy Orynbasar Perdebek 44 kelige deıingi salmaq dárejesinde úshinshi orynǵa ıe boldy. Qazaqstandyq sportshy Ýkraına men Bolgarııa ókilderin jeńdi. Jartylaı fınaldyq kezdesýde álem chempıony atanǵan Polsha ókili Ksaver Mosıngten tóreshiler sheshimimen jeńilip qaldy.