Eriktiler synaq retinde Ýnıversıada-2017 alaýyn jaǵyp kórdi

ALMATY. QazAqparat - Almatyda 2017 jylǵy 28-shi Búkilálemdik Qysqy Ýnıversıada alaýynyń synaq estafetasyn ótkizdi. «Almaty Arena» alańynda synaq retinde Ýnıversıada alaýy jaǵyldy.

 

Uıymdastyrýshylar alaý estafetasynyń tehnıkalyq daıyndyǵyn ótkizip, tasymaldaý kolbasyn synap kórdi. Keıin eriktiler baǵyt boıynsha bes alaý ótkizdi. Estafeta 2017 jyly 25 qańtarda bastalady.

Astanada Ýnıversıada alaýy Nazarbaev Ýnıversıtetinde jaǵylady. Keıin alaý ár óńirde jaǵylady jáne barlyq 15 alaý Almatyǵa jetkiziledi. Almatyda barlyq 16 alaý biriktirilip, Ýnıversıada alaýy jaǵylady.

Ýnıversıada Almatyda 2017 jyldyń 29 qańtarynan 8 aqpanyna deıin ótedi. Jarysqa 55-ten asa elden kelgen 2 myńǵa jýyq sportshy synǵa túsedi.

Jarys 8 nysanda sporttyń 12 túri boıynsha ótedi. Jalpy alǵanda 543 medal sarapqa salynady. Sharany uıymdastyrýǵa 3 myń erikti tartyldy jáne 30 myń otandyq jáne sheteldik týrıst keledi dep kútilýde.

2017 jylǵy Ýnıversıadany 100-den astam eldiń ókilderi kóre alady.