Eriktiler atyraýlyq jastarǵa shet tilderin úıretedi
«Nur Otan» partııasy Qurmanǵazy aýdandyq fılıaly men «Jas Otan» jastar qanaty English for Jastar partııalyq jobasy aıasynda kelgen eriktilerge sát sapar tiledi.
Aıta ketý kerek, sondaı-aq partııanyń Isataı, Inder, Mahambet, Maqat jáne Jylyoı aýdandyq fılıaldary da óz aýdandaryna kelgen eriktilerdi qabyldady.
Oqýshylardyń aǵylshyn tili deńgeıin arttyrý maqsatynda «Jas Otan» JQ jáne «Bolashaq» qaýymdastyǵy tamyz aıynda English for Jastar atty jobasyn iske qosty. Atyraý oblysynda jumys jasaýǵa 12 erikti nıet bildirgen.
«Nur Otan» partııasy Qurmanǵazy aýdandyq fılıaly tóraǵasynyń birinshi orynbasary Ómirbolat Esenǵazıevtyń aıtýynsha, aýdanǵa kelgen eriktilerge barlyq jaǵdaı jasalǵan. Olardyń baspana, tamaqtaný, tasymal máselesi tolyqtaı sheshilgen.
Qurmanǵazy aýdanynda jumys jasaýǵa nıet bildirgen eriktiler Toǵjan Kárımolla men Іnjil Ǵadilbekova eki kezeńmen 106 balany oqytady.
«Dáris berý saǵattarymyz belgilendi. Barlyq ádistemelik quraldarymyz daıyn. «Nur Otan» partııasy «Jas Otan» jastar qanatynyń ıgi bastamasyn shyn nıetimizben qabyldadyq. Bul qadamymyzdy biz elimizdiń aldyndaǵy patrıottyq boryshymyz», - dep esepteımiz deıdi olar.
«English for Jastar» partııalyq jobasy 2 aıǵa eseptelgen. Eriktiler 20 qyrkúıek pen 20 qarasha aralyǵynda aýyl balalaryna shet tilin úıretip, aýdan jastarynyń aǵylshyn tilinde sóıleý mashyǵyn damytady. Joba aıasynda 500-den astam balany qamtý josparlanyp otyr.
Aıta ketelik, bul joba partııanyń Elbasynyń úshtuǵyrly til saıasaty memlekettik baǵdarlamasyn damytýǵa qosqan úlesi. Jobaǵa aǵylshyn tilin meńgerýi Intermediate deńgeıinen kem emes, orys jáne qazaq tilderin erkin meńgergen, buryn sońdy balalarmen jumys jasap kórgen, aýyl balalaryna aǵylshyn tilin úıretýge nıeti bar eriktiler tartylǵan.