Eriktiler Astanada sý tasqynynan zardap shekkenderge kómek qabyldaý pýnktin ashty

ASTANA. QazAqparat - Astana turǵyny Ásker Pırıev kóktemgi sý tasqynynan zardap shekkenderge qaıyrymdylyq jasaý úshin qabyldaý pýnktin uıymdastyrdy, dep habarlaıdy «QazAqparat» HAA turǵyny.

Ásker Pırıevtiń aıtýynsha, atalǵan jylý jınaıtyn oryndy Qazaqstan halqy Assambleıasy janyndaǵy «Ahyska» túrik etnomádenı ortalyǵy uıymdastyrǵan. Al ǵımaratty kásipker Erkin Tasmuhambetov tegin bergen.
Astana qalasy, Beısekbaev k 23shi úı. «Barshańyz Aqtóbe, Aqmola jáne Qaraǵandy oblystarynyń keıbir aımaqtarynda tabıǵı jaǵdaıǵa baılanysty sý tasqynynan xabarlaryńyz bar.   Bos áńgimeden-naqty iske kóship, qol ushyn berem degender: aqshadan basqa ár nárse, ıaǵnı azyq túlik, jyly kıim, kórpe (taza, jyrtyq emes), gıgıenalyq zattar t.b. qabyldaımyz», - dep jazdy ol Feısbýktegi paraqshasynla.
Qabyldaý orny  Astana qalasyndaǵy Beısekbaev kóshesindegi 23-úıde, «Qýanysh» saýda ortalyǵynda ornalasqan.

Erikti negizde kómek kórsetý boıynsha túrik ortalyǵynyń jetekshisi Pırıev mol tájirıbe jınaqtaǵan. Eki jyl buryn onyń qaıyrymdylyq naýqanyn tanymal ánshi Roza Rymbaevanyń ózi qoldaǵan. Onda eriktiler Qaraǵandy oblysyndaǵy qyzyl sýdan zardap shekkenderge qol ushyn sozǵan edi.

Eske sala ketsek, buǵan deıin qoǵam qaıratkerleriniń #Tasqynkómek heshtegi arqyly sý tasqynynan zardap shekkenderge kómek kórsetý naýqanyn bastaǵany habarlandy. Olardyń jınaý pýnkti Astanada Qonaev kóshesi, 35-úıde ornalasqan.
Sondaı-aq, QR Parlamenti Senatynyń depýtattary sý tasqynynan zardap shekkenderge bir kúndik eńbekaqysyn aýdaratyn boldy.