Erikti túrde tapsyrylǵan qarýdyń quny qalaı anyqtalady

ASTANA. QazAqparat – ІІM-de ótken brıfıngide Ákimshilik polıtsııa komıteti Qarý aınalymyn baqylaý bóliminiń bastyǵy Asylbek Ydyrysov tapsyrylǵan qarýdyń qalaı baǵalanatynyn túsindirdi, dep habarlaıdy QazAqparat tilshisi.

«Ótemaqy máselelerine keletin bolsaq, qarýdy ótemdi tapsyrǵany úshin tólemder mólsheri olardyń túrine, tehnıkalyq kúı-jaıyna baılanysty ár birligi úshin 34 myńnan 345 myńǵa deıin ár túrli bolady. Syıaqy kólemin ár oblystyq, qalalyq jáne aýdandyq polıtsııa organdarynda qurylatyn komıssııalar belgileıdi», - dedi Asylbek Ydyrysov.

Aıta ketsek, qarýǵa tólenetin qarajat kólemi kelesideı:

- avtomatty oıyq qarý úshin – 345 myń teńgege deıin;

- oıyq uńǵyly myltyqtar men karbınder úshin – 172 myń teńgege deıin;

- tapanshalar men revolverler úshin – 138 myń teńgege deıin;

- tegis uńǵyly myltyqtardyń árbir birligi úshin – 103 myń teńgege deıin;

- travmatıkalyq tapanshalar úshin – 34 myń teńgege deıin.

«Tólemder mólsherin aıqyndaý kezinde komıssııalar qarýdyń tehnıkalyq jaı-kúıin eskeredi jáne tıisti sanat beriledi. Olar barlyǵy 3 sanatqa bólinedi. Soǵan qaraı tólem júrgiziledi. Syıaqy tóleý merzimi – 1 aı», - dep túsindirdi Asylbek Ydyrysov.

Buryn habarlaǵanymyzdaı, 11 jyldyń ishinde qarý tapsyrǵan qazaqstandyqtarǵa 1,9 mlrd teńge tólengen.