Erikti medıtsınalyq saqtandyrý jalpyǵa qashan qoljetimdi bolady

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide QR Densaýlyq saqtaý mınıstri Ajar Ǵınııat erikti medıtsınalyq saqtandyrý tetigi buqara halyqqa qashan qoljetimdi bolatynyn aıtty, dep habarlaıdy QazAqparat tilshisi.

«Qazaqstanyqtarǵa erikti medıtsınalyq saqtandyrý tetigi qoljetimdi. Biraq ony negizinen iri kásiporyndar, mysaly, munaı kompanııalary qoldanady. Al halyqqa jappaı qoljetimdi bolýy úshin Memleket basshysynyń tapsyrmasy aıasynda mundaı qyzmet usynýshylardyń qataryn keńeıtemiz. Medıtsınalyq saqtandyrýmen aınalysatyn kompanııalardyń bárin shaqyramyz», - dedi Ajar Ǵınııat.

Aıtýynsha, bul tetik jalyp halyqqa qoljetimdi bolýy úshin jan-jaqty jetildirilýi shart.

«Bul júıede bólinis aıqyn bolady. Erikti negizde saqtandyrý jasaıtyn kompanııa qandaı qyzmet kórsetetini, kepildendirilgen memlekettik aqysyz medıtsınalyq kómek aıasyndaqandaı qyzmetter kórsetiletini, MÁMS arqyly qandaı qyzmetter kórsetiletini naqtylanady. Bizde jyl aıaǵyna deıin ýaqyt bar» - dedi mınıstr.