Erik Sultanov: Tuńǵysh Prezıdent kúni – Qazaqstandaǵy halyq birligi men kelisim kúni
«2012 jyldyń 1 jeltoqsanynda elimizde alǵash ret Qazaqstan Respýblıkasy Tuńǵysh Prezıdentiniń kúni memlekettik merekesi atap ótildi. Mundaı eleýli kún Memleket basshysy Nursultan Ábishuly Nazarbaevtyń Qazaqstan halqyna jáne memleketine sińirgen orasan zor eńbegine degen qurmet bolyp tabylady. Ult Kóshbasshysynyń turaqty jáne júıeli negizde atqaryp kele jatqan ólsheýsiz eńbeginiń nátıjesinde Qazaqstan serpindi damý jolyna tústi, saıası, ekonomıkalyq jáne áleýmettik, onyń ishinde densaýlyq saqtaý salasy jańǵyrtyldy. QR Tuńǵysh Prezıdenti kúni merekesin atap óte otyryp, Elbasymyzǵa, memleketimizdiń qalyptasýy men damýyna qosqan tarıhı eńbegine qurmet kórsetemiz», - deıdi E.Sultanov.
Depýtattyń aıtýynsha, Qazaqstannyń jáne Tuńǵysh Prezıdenttiń aıryqsha jetistigi jańa elorda – Nur-Sultan qalasynyń salynýy.
«Ótken 22 jyl ishinde qatardaǵy oblys ortalyǵynyń ornynda qala qurylysy, sáýlet salasyndaǵy barlyq álemdik talaptarǵa, sondaı-aq osyndaı deńgeıdegi jáne mártebeli qalalarǵa qoıylatyn basqa da talaptarǵa sáıkes astanalyq fýnktsııalary bar zamanaýı qala paıda boldy. Nur-Sultan táýelsiz Qazaqstannyń kelbetine aınaldy. Elorda búkil respýblıka ómiriniń reńi men qarqynyn belgileıdi. Elordany kóshirý Táýelsizdik kezeńindegi elimizdiń damý barysyn aıqyndap bergen dáýirlik oqıǵa boldy.
N.Nazarbaev prezıdenttiginiń 30 jylynda Qazaqstan «uly jetistikterge» qol jetkizdi, 1991 jyldan bastap Qazaqstan ekonomıkasy 20 esege jýyq ósti, bir jarym myńnan astam mektep, eki myńnan astam emhana men aýrýhana, myńǵa jýyq balabaqsha salyndy, halyqtyń ortasha ómir súrý uzaqtyǵy — 67 jastan 73 jasqa deıin ósti», - dedi senator.
E.Sultanov atap ótkendeı, osy jyldar ishinde elimizde 14 500 shaqyrym jol salyndy jáne qaıta jóndeldi.
«Bul jaı joldar emes, beton joldar, avtobandar. Buryn bes-alty saǵatta eńserilgen joldy qazir eki-úsh saǵatta eńseremiz. 2500 shaqyrym temir jol salyndy, Kaspıı teńizinde eki port salyndy. Bul baǵytty saqtaý ǵana emes, damytý da mańyzdy. Avtojol qurylysynyń keıbir jobalaryna men ózim qatystym.
Tutastaı alǵanda, eger Táýelsizdiktiń 30 jyly ishinde Tuńǵysh Prezıdent Elbasynyń basshylyǵymen júzege asyrylǵan tabysty reformalar men jetistikter týraly aıtatyn bolsaq, onda olardy óte uzaq ýaqyt atap ótýge bolady. Shynynda da, bul tarıhı ólshemder boıynsha qysqa merzim, biraq el osy jyldar ishinde egemendi damý jolynda mańyzdy qadamdar jasady jáne aıtarlyqtaı jetistikterge jetti.
Meniń oıymsha, elimizdiń árbir azamaty úshin Tuńǵysh Prezıdent kúnin merekeleýdiń mańyzy zor. Bul Qazaqstandaǵy halyq birligi men kelisim kúni. Elimizdiń Tuńǵysh Prezıdenti tarıhqa egemen Qazaqstannyń barlyq jetistikterimen baılanysty Tulǵa retinde, búkil qyzmeti óz halqyna qyzmet etýdiń jarqyn úlgisi bolyp tabylatyn álemdik aýqymdaǵy kórnekti saıasatker retinde máńgilikke endi.
Qurmetti otandastar! Sizderdi Qazaqstan Respýblıkasynyń tuńǵysh Prezıdenti kúnimen shyn júrekten quttyqtaımyn!», - dedi QR Parlamenti Senatynyń depýtaty.