Erik Sultanov: Prezıdent tapsyrmalary elimizdiń qaýipsizdigin qamtamasyz etýge baǵyttalǵan

NUR-SULTAN. QazAqparat – Senat depýtaty Erik Sultanov Prezıdent Qasym-Jomart Toqaevtyń áleýmettik-ekonomıkalyq ahýaldy turaqtandyrýǵa bergen tapsyrmalaryna qoldaý bildirdi, dep habarlaıdy QazAqparat tilshisi.

«Memleket basshysy Qasym-Jomart Kemeluly Toqaevtyń sheshimderin tolyǵymen qoldaımyn. Bul qadamdar elimizdiń, halqymyzdyń qaýipsizdigin qamtamasyz etýge baǵyttalǵan. Sondyqtan Prezıdenttiń sheshimi aıasynda 180 kúnge janar-jaǵarmaı, gazdyń baǵasyn retteý de durys qadam», - dedi senator.

Eske sala keteıik, bıyl 5 qańtarda Memleket basshysy Qasym-Jomart Toqaev elimizdegi áleýmettik-ekonomıkalyq jaǵdaıǵa qatysty keńes ótkizdi.

Osy oraıda munaı ónimderiniń (benzın, dızel, suıytylǵan gaz) baǵasyna memlekettik retteýdi 180 kúnge engizý eskerildi.

Óz kezeginde Úkimet áleýmettik-ekonomıkalyq jaǵdaıdy turaqtandyrý úshin jedel is-sharalardy qabyldady.

QR Premer-Mınıstri resmı saıtynyń málimetinshe, Qazaqstan aýmaǵynda AJS-da avtokólikterge arnalǵan suıytylǵan munaı gazynyń bólshek saýdasyna 180 kúnge shekti baǵalar belgilendi.

Sonymen qatar, benzınniń qosymsha qun salyǵyn esepke ala otyryp bólshek saýdasyna kelesideı shekti baǵalar belgilendi:

AI-80 markaly – lıtrine 89 teńge;

AI-92 markaly – lıtrine 182 teńge;

AI-93 markaly – lıtrine 182 teńge;

AI-95 markaly – lıtrine 215 teńge.