«Ergo-pedagogıka», «Erte qoldaý pedagogıkasy» syndy jańa mamandyqtardy engizý usynyldy

ÓSKEMEN. QazAqparat – Óskemende ótken ǵylym týraly forýmda Qazaqstanda búldirshinderdi ońaltatyn pedagog daıarlaý usynyldy, dep habarlaıdy QazAqparat tilshisi.

Forýmda S.Amanjolov atyndaǵy ShQÝ rektory Muhtar Tólegen Qazaqstanda suranysqa ıe «Ergo-pedagogıka» jáne «Erte qoldaý pedagogıkasy» bilim berý baǵdarlamalary týraly aıtqan. Bul týraly rektor QazAqparat tilshisine tolyq aıtyp berdi

«Bul baǵdarlamalar erekshe bilimdi qajet etetin balalar úshin jasalyp otyr. Osyndaı búldirshinderdi ońaltýdy erte bastaý kerek. Sonda oń nátıje shyǵady. Bilim berý baǵdarlamasyn basqa joǵary oqý oryndary men jumys berýshiler qoldaıtynyna senimdimiz», - dedi ol.

«Erte qoldaý pedagogıkasy» mamandyǵy boıynsha dıplom alatyn stýdent erte jastaǵy balanyń psıhofızıkalyq damý erekshelikterin eskerip jumys isteıtin bolady. Baǵdarlama memleketke arnaıy bilim alýǵa jáne ınstıtýtsıonaldyq mekemelerdi ustaýǵa jumsalatyn shyǵyndardy qysqartýǵa múmkindik beredi.

Ýnıversıtettiń jobalaý komandasyndaǵy jetekshi ázirleýshi Svetlana Stelmahtyń aıtýynsha, «Ergo-pedagogıka» bilim berý baǵdarlamasy syndy ınnovatsııalyq baǵdarlama esh jerde, tipti shetelde de joq.

«Bul Pedagogıka, psıhologııa, medıtsına, túzetý áseri jáne basqa da kóptegen ǵylymı baǵyttardy qamtıtyn pánaralyq baǵdarlama. Ergo-muǵalim tirek-qımyl apparaty buzylǵan balany ertip júrip, oǵan kúndelikti isterin eshkimniń kómeginsiz oryndaýǵa úıretý kerek», - dedi ol.