Ereje buzatyndarmen kúrestiń jańa tásili: Qazaqstanda jasyryn patrýl júıesi engizildi

<p>ASTANA. KAZINFORM &ndash; Júrgizýshiler endi jol erejesin buzatyn bolsa, kamera joq jerde de aıyppul arqalaýy múmkin. Bul týraly QR ІІM Ákimshilik polıtsııa komıtetiniń tóraǵasy Qaısar Sultanbaev aıtty.&nbsp;</p>

«Jergilikti atqarýshy organdardyń qoldaýymen jol qaýipsizdigin qamtamasyz etý salasyna tsıfrlyq sheshimder engizilýde. Alaıda, búginde barlyq kameralar kóbine qalalarda ornalasqan. Qala syrtyndaǵy qaýipsizdik máselelerin sheshý úshin patrýldik avtokólikterdi jol erejelerin buzýdy tirkeıtin borttyq júıelermen jabdyqtadyq. Qazir olardyń sany 300-ge jýyq. Bir ekıpajdyń ónimdiligi 15 patrýldiń jumysymen sáıkes keledi. Turǵyndar olardyń jumysy týraly biledi jáne olardyń jolda júrýi júrgizýshilerdi tártipke keltirýde», - dedi Ákimshilik polıtsııa komıtetiniń tóraǵasy OKQ alańynda ótken baspasóz máslıhatynda.

Sondaı-aq Qaısar Sultanbaev kamera jáne patrýldik kólik joq jerde ereje buzatyndarmen kúrestiń jańa tásili engizilip jatqanyn aıtty. 

«Júrgizýshiler jolda patrýldik kólik kózden tasa bolǵanda tyıym salynǵan ýchaskelerde jyldamdyqty asyryp otyrady, odan qaldy, basyp ozý sııaqty buzýshylyqtarǵa da jol beredi. Qala syrtyndaǵy joldardy qamtý maqsatynda jasyryn patrýlderdi engizdik. ıAǵnı, sáıkestendirý belgileri joq polıtsııa kóliginiń salonynda avtomatty kameralar ornattyq. Qazirgi ýaqytta jasyryn patrýldeý rejıminde polıtsııanyń 10 shaqty kóligi jumysty bastap ketti. Jyl sońyna deıin olardyń sanyn kóbeıtýdi josparlap otyrmyz. Olardyń maqsaty múmkindiginshe kóp aıyppul salý emes, qala mańyndaǵy jolda júrgizýshilerdi tártipke keltirý», - dedi komıtet basshysy. 

Sondaı-aq ol eldi mekenderdiń ishinde osy tektes kameralar avtobýstardyń salondarynda da jasyryn ornatylatynyn aıtty. 

«Qazirgi kúnde 5 marshrýttyq avtobýs jabdyqtalǵan. Jyl sońyna deıin olardyń sanyn kóbeıtýdi jáne jedel járdem kólikterine de ornatýdy josparlap otyrmyz. Bul kólik júrgizý mádenıetin arttyrýǵa jáne jazanyń bultartpaýshylyq prıntsıpin qamtamasyz etýge múmkindik beretin bolady», - dedi spıker. 

Qaısar Sultanbaevtyń aıtýynsha, halyqaralyq tájirıbe polıtsııanyń ǵana sharalarymen jol qaýipsizdigin arttyrýǵa qol jetkizý múmkin emestigin kórsetken. Al, mamandardyń pikirinshe, jol oqıǵalarynyń basym kópshiligi boljamdy, ıaǵnı olardyń aldyn alýǵa bolady. Sondyqtan jol-kólik oqıǵalaryn, adam qatelikteriniń saldaryn boldyrmaıtyn qaýipsiz ınfraqurylym salý basty maqsat bolyp otyr.

Aıta keteıik, jyl basynan beri elimizde 22 myńnan astam jol apaty tirkelip, onda 2 myń adam qaza boldy. Sondaı-aq 2024 jyly 21 myńǵa jýyq mas júrgizýshi ustalǵan.