Ereımentaý aýdanynda 11,4 mlrd teńgeniń aýyl sharýashylyǵy ónimi óndirildi-Aqmola oblysy
Aýdan ákiminiń məlimeti boıynsha Ereımentaý aýdany oblysta aýyl sharýashylyǵy salasy damyǵan óńirler qatarynda. 2013-2017 jyldardan beri aýdanda 4 mlrd teńgeniń 7 ınvestıtsııalyq jobasy iske asyrylǵan. Osynyń nətıjesinde 2017 jyldyń 10 aıy ishinde aýyl sharýashylyq óniminiń kólemi ósip, 11,4 mlrd teńgeni qurap otyr.
«Aýdanymyzda mal sharýashylyǵy salasy basymdyqpen órkendep keledi. Əsirese, etti mal sharýashylyǵy, jylqy jáne qoı ósirýge den qoıylýda. Aýdan boıynsha bul baǵytta 100 sharýa qojalyǵy men jaýapkershiligi shekteýli seriktestigi aınalysady. Olardyń arasynda «Torǵaı» JShS, «Keńótkel NS» JShS, «Aqjol» JShS jəne «Bereke-5» ShQ sııaqty sharýashylyqtardy atap ótýge bolady.
Məselen, Novomarkovka aýylynda «Jańa Bereke» sharýa qojalyǵy 3 000 bas iri qaraǵa arnalǵan bordaqylaý alańy men jyldyq qýaty 5 000 tonna et óńdeıtin keshen ashqan bolatyn. Bul qojalyqqa qosalqy sharýashylyqtardy biriktirip, aýyl sharýashylyǵy kooperatıvin qurý kózdelgen.
Al Aqsýat aýyldyq okrýginde «Ereımentaý-Qulan» JShS negizinde etti ІQM tuqymdyq túrlendirý maqsatynda asyl tuqymdy reprodýktor qurylyp, 1 000 basqa arnalǵan mal bordaqylaý alańyn qurý josparǵa alyndy.
Sonymen qatar, «Hamze» sharýa qojalyǵy 400 basqa arnalǵan sút-taýarly fermasyn ashý ınvestıtsııalyq jobasyn iske asyrýdy kózdep otyr. Búgingi kúni 130 bas boıdaq sımmental tuqymdy sıyr aldyryldy, qurama jem zaýyty salynyp, iske qosyldy jáne sútti óńdeý pýnkti qurylyp, sút fermasyn salý boıynsha jumystar júrgizilýde. «Fýdmaster» JShS-na 20 myń tonna sút tapsyryldy.
«Yrys» baǵdarlamasy boıynsha Aqsýat aýyldyq okrýginde «Úmit-N» sharýa qojalyǵy negizinde taýarly-sút fermasy quryldy. 115 bas sútti asyl tuqymdy qunajyn alyndy, - dedi E.Nuǵymanov.