Erevanda UQShU-ǵa múshe elderde terrorlyq jáne ekstremıstik dep tanylǵan uıymdardyń tizimi kelisildi
Erevanda UQShU-ǵa múshe memleketterdiń QKHK otyrysy armıan tarapynyń tóraǵalyq etýimen ótti. Otyrysta terrorızmmen kúres salasyndaǵy UQShU-ǵa múshe memleketterdiń ujymdyq qaýipsizdik júıesin damytý boıynsha qosymsha sharalar týraly baıandamamen uıymnyń bas hatshysy Nıkolaı Bordıýja shyqty.
Uıym saıtynda habarlanǵandaı, UQShU memleketterinde terrorlyq jáne ekstremıstik dep tanylǵan uıymdar tizbesi UQShU jaýapkershilik aımaǵynda olardyń qyzmetin anyqtaý jáne jolyn kesý boıynsha úılestirilgen áreketterin qamtamasyz etýge múmkindik beretinin atap ótti. UQShU bas hatshysy Bordıýja UQShU-ǵa múshe elderde terrorlyq jáne ekstremıstik dep tanylǵan uıymdar tizbesi 90-nan astam ataýdy qamtıdy. Ol «2009 jyly tizbe - 32, 2010 - 47, búginde 92 lańkestik uıymdy qamtyp otyrǵanyn» basa aıtty.
Otyrys barysynda 2025 jylǵa deıingi UQShU Ujymdyq qaýipsizdik strategııasynyń jobasy tolyqtaı kelisildi. Bul týraly Nıkolaı Bordıýja qorytyndy baspasóz konferentsııasynda málimdedi: «Qujat UQShU elderine qazirgi jaǵdaılarda týyndaǵan jańa syn-qaterler men qaýipterge qarsy is-qımylǵa baǵyttalǵan», - dep atap ótti ol.
Jıyn barysynda UQShU múshe memleketter ókilderiniń 2016 jyldyń ekinshi jartysyna arnalǵan syrtqy saıasat, qaýipsizdik jáne qorǵanys máseleleri jónindegi konsýltatsııalar jospary bekitildi. Esirtkini medıtsınalyq emes maqsatta tutynýdyń aldyn alý, naýqastardy emdeý, saýyqtyrýǵa baılanysty máseleler boıynsha UShU-ǵa múshe memleketterdiń bas narkologtarynyń úılestirilgen májilisiniń qyzmeti týraly másele qaraldy, memleketter arasyndaǵy narkologııalyq qyzmetter arasynda aqparattyq materıal almasý boldy.
2016 jyly UQShU-ǵa Armenııa Respýblıkasy tóraǵalyq etedi.