Erevanda UQShU elderiniń áskerı yntymaqtastyǵynyń baǵytyn talqylady

ASTANA. QazAqparat - 8 maýsymda Erevanda UQShU-ǵa múshe memleketterdiń qaýipsizdik keńesteriniń hatshylary komıtetiniń kezekti otyrysy ótti. Oǵan QR Qaýipsizdik keńesi hatshysynyń birinshi orynbasary Marat Shaıhýtdınov qatysty.

Otyrys memleketter basshylarynyń qatysýymen aǵymdaǵy jyly kúzde ótetin UQShU  Ujymdyq qaýipsizdik keńesiniń kezekti sessııasyna daıyndyq kezeńderiniń biri boldy.

Sharaǵa qatysýshylar 2015 jylǵy 21 jeltoqsanda Máskeý qalasynda Ujymdyq qaýipsizdik keńesi bergen tapsyrmalardy oryndaý barysyn qarady.

2025 jylǵa deıingi kezeńge arnalǵan UQShU Ujymdyq qaýipsizdik  strategııasynyń jobasy boıynsha pikir almasý ótti.

Delegatsııa basshylary halyqaralyq terrorızm, dinı ekstremızmge birlesip qarsy turýǵa qatysty máselelerdi, Ujymdyq jedel den qoıý kúshiniń odan ári damýyn qosa alǵanda, UQShU-ǵa múshe memleketterdiń áskerı yntymaqtastyǵynyń jekelegen baǵyttaryn talqylady.
Otyrys qorytyndysy boıynsha qaýipsizdik keńesteriniń hatshylary UQShU-ǵa múshe memleketterdiń quzyretti organdarynyń ózara is-áreketin jetildirýge baǵyttalǵan birqatar sheshimderge qol qoıdy.

Delegatsııa basshylaryn Armenııa Prezıdenti Serj Sargsıan qabyldady.