Erevanda úkimet ǵımaraty aldynda ekinshi kún qatarynan narazylyq sherýi ótip jatyr

<p><span style="font-family: sans-serif; font-size: 18px;">Erevannyń ortalyǵyndaǵy Armenııa úkimeti ǵımaratynyń aldyna júzdegen narazy adam jınaldy. Bul jaıynda oqıǵa ornynan <a href="https://tass.ru/mezhdunarodnaya-panorama/18825997" target="_blank" rel="noopener">TASS</a> tilshisi habarlady.&nbsp;</span></p>

Olar áýeli úkimet ǵımaratynyń janynda qysqasha mıtıng ótkizdi.

Azamattar Taýly Qarabaqtaǵy armıan halqyna gýmanıtarlyq dáliz berilýin talap etip, olardyń qandaı qıyn jaǵdaıǵa tap bolǵanyn aıtty.

Sherýshiler premer-mınıstr Nıkol Pashınıanǵa da qarsylyǵyn bildirdi. 

Kúzet úkimet ǵımaratynyń kireberisin birneshe qatarda kúzetip turdy.

Tártip saqshylarymen qaqtyǵys bolǵan joq. Qalanyń qalǵan bóligi tynysh.

Budan keıin azamattar Respýblıka alańynan Marshal Bagramıan dańǵylyna qaraı bet aldy. Jol boıymen kele jatqan olar daýys zoraıtqysh arqyly Taýly Qarabahtaǵy armıan halqyna gýmanıtarlyq dáliz berýdi talap etti.

Sherýge negizinen jastar qatysty. Olar Armenııa men Artsahtyń (tanylmaǵan Taýly Qarabaq Respýblıkasy) týyn ustap tur.

Polıtsııa sherýshilerge esh kedergi jasamaı ilesip júrdi. Azamattar jol qıylystaryn jaýyp tastaýǵa tyrysqan joq. 

DW habarlaýynsha, osyndaı sherý Erevanda keshe, 22 qyrkúıekte de ótken. Myń kisi shamasynda jınalǵan ereýilden soń 98 adam ustalǵan. 

Olar Nıkol Pashınıannyń otstavkaǵa ketýin talap etti.