Erevanda TMD memleketteri birikken áskerı baılanys júıesin damytý máselelerin talqylady

NUR- SULTAN. QazAqparat - Qazaqstan Qarýly Kúshteri Bas shtaby Baılanys departamentiniń bastyǵy polkovnık Arman Qalıjanov TMD-ǵa múshe memleketter qarýly kúshteri baılanys basshylarymen ótken Úılestirý komıtetiniń kezekti otyrysyna qatysty, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Armenııa, Belarýs, Qazaqstan, Qyrǵyzstan, Reseı jáne Tájikstan

qarýly kúshteri baılanys áskerleriniń basshylary birikken baılanys júıesin qurý, onyń jumys isteýi jáne damytý boıynsha oryndalǵan jáne josparlanǵan is-sharalardy, birlesken oqý-jattyǵýlardy ótkizý kezinde baılanysty uıymdastyrý erekshelikterin jáne basqa da uıymdastyrý máselelerin talqylady.

Otyrys qorytyndysynda Úılestirý komıtetiniń aldaǵy bes jylǵa

arnalǵan jumys jospary qabyldandy. Sonymen qatar, TMD-ǵa múshe memleketter qarýly kúshteriniń baılanys toraptarymen kelesi jylǵa arnalǵan birlesken jattyǵýlar kestesi bekitilip, kezekti birlesken keńestiń bastapqy kún tártibi talqylandy.